Oollalleya 1:3 - Mawu a Mulluku

³ Ethiyo muthu ttuuphura tini ni mitteko ddootopiha anaphareeye vatthimva?

Oollalleya 1:3 ပူးပေါင်းရင်းမြစ်များ

Oollalleya 3:9

Ethiyo oophara mutteko anaphuravo tini va muttekwaaye?

Oollalleya 5:16

Yeellattho tti yoonanara emodda yoomoriha ethakaraka wunchichi wi muthu anaarowe wonanko mmo aweelleeye. Vano mphurwaaye tti tini vawi apharelle mutteko nivuddo?

Oollalleya 2:22

Ethiyo muthu ttuuphuravo tini va mitteko ddittheddene ni ddookhupanyiha nnddo anaddeereeye vatthimva?

Oollalleya 2:11

Vano kahaamba oganizera mitteko dda mattaaka ddittheddene nnddo kahoowilleemina nave kahoona wi khaddinna mutteko nave oddaashaasha ddenndda tti wiikatamiha. Ddawoona khavaari yawi ttuuphuravo va ellapo yavatthi.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Mateyu 16:26

Muthu anaapindulevo tini aakhella ellapo yavatthi ettheene atathilla okumaaye? Apaalle muthu anaavelleelle tini wi ahokolloselliwe okumaaye?

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Oollalleya 2:19

Anadduwella ttaani wi muthu yoolla anaakhalle eezeru apaalle ookarangeya. Komave yoolla anaakhalle oolamulella mitteko ddittheddene nnddo kaddeerilleemi vatthimva mweezeru ddaka. Ddennddattho khaddinna mutteko.

Habakuku 2:13

Ngoona, mitundu dda athu waddigonjihalleewe ddapharelle mutteko nivuddo, erive ello emakilliiwa tti wonanko ekhuni dda viikho. Apwiya Amasiva Mattheene sika yeerille ddenndda.

Oollalleya 9:13

Kahoonattho vatthimva ello emodda yeezeru nave kaayoona wi tti ello yuullupalli.

Oollalleya 9:6

Echikondiiwa wiitana wiwa ni ehachiiwa ddaamalla khalle. Nave va ddittheddene ddineereya vatthimva kheyaakhellavo ello.

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Oollalleya 7:11

Ezeru tti ddaphaama wonanko yoohallana, ddinnamupindulella arive muthu mukumi.

Oollalleya 6:12

Ttaani anadduwella ddoomuddivella va enthawi yooyeva anakhalleeye ni okumi? Okumaaye tti wa mallapo ooyeva ni woohikhalla ni mutteko. Animoona ovirellella wonanko muuthuuchi. Ethiyo ttaani anaawore omutthopoollella muthu ddeereyille vatthimva muhoollo olliye akhwille?

Oollalleya 5:18

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye nnddo muthu anaphareeye vatthimva, mallapo ooyeva a okumaaye oyo Mulluku amuvahilleeye. Yeella tti echigawaaye.

Oollalleya 4:3

Koma owaakhwaranya attheenaayo tti oyo ahinayariwe, oyo ahinaddoone mitteko ddoonanara nnddo ddineereya vatthimva.

Habakuku 2:18

Ethiyo nifano niri ni mutteko tini? Tti ello yoopangiwa ni muthu, khenuulleella erive ello koma woottha. Yaphaama enamweerilliiwa oonipanga wi aniroromelle tti tini, mulluku oohiwora ollota wene?

Oollalleya 4:7

Kahoonattho emodda yoohikhalla ni mutteko vatthimva.

1 Akorinto 16:16

wi mwiiwellelleke olamulello wa athu wonanko yaalla ni arive muthu oyo anaphara mutteko ni orumeyella ni alliwaayo.

Oollalleya 2:18

Mitteko ddaka ddittheddene keerilleemi vatthimva ddaakinanara vawi kinaphwanella omuhiyera muthu oyo anaawe mutulli mwaka.