Oollalleya 1:2 - Mawu a Mulluku

² Ddittheddene khaddinna mutteko, anallota tti Oollalleya, ddittheddene khaddinna mutteko! Ddawoona, ddittheddene khaddinna mutteko!

Oollalleya 1:2 ပူးပေါင်းရင်းမြစ်များ

Masalimo 144:4

Muthu ari wonanko mpweya, mallapwaaye tti wonanko muuthuuchi woohillekella.

Aroma 8:20

Vawi erive ello eyo yaphatusiwe yaheerihiwa wi elamulelliweke ni ddeko ddoohikhalla ni mutteko, ohiri ni opaalla wiwa koma kaambiiwa Mulluku aapaalla wi ddikhalle ddiiddo. Koma waakhalla otiyerella

Oollalleya 5:10

Athu ookonda makobiri khenakwakhwanihiwana. Emoddamoddave yeeyottho athu ookonda eyuuma, khenakwakhwanihiwa ni opindula. Ddennddattho khaddinna mutteko.

Oollalleya 12:8

“Ddittheddene khaddinna mutteko. Ddawoona, ddittheddene khaddinna mutteko!” Anallota tti Oollalleya.

Oollalleya 2:26

Vallethi muthu aphaama vamiitthoni va Mulluku annamutthattusa oodduwella, eezeru ni oohakallalla. Koma oochimwa annamuvaha mitteko ddawuurulla ni otthukumaniha ddeko vatulli viwa ddittheddenennddo ddinnavahiwa wa muthu oomuhakallalliha Mulluku. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 2:19

Anadduwella ttaani wi muthu yoolla anaakhalle eezeru apaalle ookarangeya. Komave yoolla anaakhalle oolamulella mitteko ddittheddene nnddo kaddeerilleemi vatthimva mweezeru ddaka. Ddennddattho khaddinna mutteko.

Oollalleya 2:11

Vano kahaamba oganizera mitteko dda mattaaka ddittheddene nnddo kahoowilleemina nave kahoona wi khaddinna mutteko nave oddaashaasha ddenndda tti wiikatamiha. Ddawoona khavaari yawi ttuuphuravo va ellapo yavatthi.

Oollalleya 2:23

Mallapwaaye mattheene annamoriwa ethakaraka, mitteko ddaye ddinnakhalla ddookatamiha. Naari mahiiyu murimaaye khoniithuuwa. Ddennddottho khaddinna mutteko.

Oollalleya 2:17

Sika kaawiita okumaaka vawi ddittheddene ddineereya vatthimva ddinnakimoriha ethakaraka. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 11:8

Muthu akhalla a miyakha ddinchichi ahakallallelleke miyakha ddittheddenennddo. Koma uupuwelleke wi mallapo oowa vatulli va okhwa waye tti manchichi. Ddittheddene ddinawanndda tti ddoohikhalla ni mutteko.

Oollalleya 6:11

Mawu yaata ddoohikhalla ni mutteko ddinnaatattho. Vano muthu aphurallevo tini?

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 3:19

Nnddo ddinaweereyella athu, ddiinnereyellattho enama, ennakhwa. Ddittheddene ddinnavuma mpweya mmoddamoddave yooyo, muthu khanakhwaranya enama. Ddittheddenenndda khaddinna mutteko.

Oollalleya 2:21

Enthawi emodda muthu ttuuphara mutteko moodduwella, mweezeru ni mweeruso ni omuhiyera muthu oyo ahimorenlle nikhurumella wi ahakallallekena. Ddennddattho khaddinna mutteko nave tti ddoonanara wunchichi.

Oollalleya 11:10

Sika vano venyiha ddookhupanyiha m'murimani mwawo, rapa ddawuuhoosa m'mwiillini mwawo. Vallethi esombwe ni enamwani tti ya mallapo ooyeva.

Oollalleya 4:16

Mwene ttuuwalamulella athu anchichi koma akhwa khaavo oyo anaatetheelle nnddo mwenooyo eerilleeye. Ddawoona, ddenndda khaddinna mutteko nave oddaashaasha ddenndda tti wiikatamiha.

Oollalleya 2:15

Vano miyaano kaallota m'murimani mwaka wi, “Nnddo ddinammorelle muthu ookarangeya nameenettho ddineerokimorella. Vano ezeru ddinchichi kiriiminanndda tti dda tini?” Vano kahoona wi ddennddottho tti khaddinna mutteko.

Yobu 11:12

Valle mukarangeya khawa atthattuwa eezeru, vaavove enama ddamuhakani dditthattuwalle eziweto.

Masalimo 89:47

Upuwellani wi mallapo a okumaaka tti ooyeva. Ethiyo mwaaphatuselle nivuddo athu attheene?

Oollalleya 2:8

Kahiitthukumanihella siliva ni golide navettho eyuuma yoovenyera wa mamwene kaalamulelleemi. Kaakhallana ookiipella nchipo, aallopwana ni aatthiyaneene. Kaakhallanattho awaraka ang'onong'ono anchichi alle enaahakallalliha allopwana.