Obadiya 1:21 - Mawu a Mulluku

²¹ Athu oopambana a mwaango wa Ziyoni eneerogonjiha ni olamulella mwaango wa Esau nave eneeromulamulella, Apwiya aneena eneerokhalla mwene.”

Obadiya 1:21 ပူးပေါင်းရင်းမြစ်များ

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yakobo 5:20

mudduwelle wi arive muthu oyo anamuhokollosa oochimwa mu ettillaaye yoohollowa, aneerovullusa okumi wa muthooyo wuukhwaani nave machimo manchichi eneerokhululukelliwa ekaamba ya olliyooyo.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

1 Timoteo 4:16

Wiiwehereke weekhaawo ni owehera ehuddihwaawo. Ollipihelleke ddenndda kaambiiwa vaweerani ddenndda oneerewiivullusa weekhaawo vamodda ni yaayo enawiiwa weyaano.

Masalimo 22:28

Vawi olamulello ottheene tti wa Apwiya, alliwa tti mwene a mitundu ddittheddene.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yesaya 19:20

Nndda ddinaakhalle omboni wooniha wi Apwiya Amasiva Mattheene yookhallamo mu ellapo ya Iguputo. Nave Aiguputo voowinllellani wa Apwiya va ddoohoosa ddiwa, alliwa eneeromurumiha oovullusa wi awaakihe ni waavullusa.

Oweeruza 2:16

Vano Apwiya yahaatthoollella Aisraelaayo oweeruza ayo yaavullusa wa athu awoononga ayo yawaakha ddeko ddiwa.

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Mateyu 6:13

Muhinikuselle woweesiwa, koma munivulluse wa Oonanarooyo.

Mateyu 6:10

omwenaanyu owe, opaalla wanyu weeriwe, vatthimva wonanko ooddullu.

Yowele 2:32

Vano attheene ayo enaawiithane mu nnddina na Apwiya eneerovullusiwa, vawi mu mwaango wa Ziyoni ni mu Yerusalemu muneerokhalla ovullusiwa monga Apwiya yallotilliiwa, ni mwa oohalla ayo Apwiya yawiithanilliiwa.”

Daniele 12:3

Athu eezeru eneerowala wonanko muddullu. Nave ayo yaahoollelle athu anchichi mu ettilla ya echilungamo eneeronyezimella wonanko etheneeri wa enthawi yoohimalla.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 2:35

Sika mukoko, olloko, mukuwa, siliva ni golide ddittheddene ddaanyenyeya vamodda. Nave ddaavavihiwa ni ephevo wonanko mallulla va nipuro nawuuputhella enthawi yoohata, oohihallavo erive ello. Koma nlluku nanyenyille nifanonno naatthattuwa mwaango muullupalli, oddalla ellapo yavatthi ettheene.

Masalimo 102:15

Mitundu dda athu ddineerekewoova nnddina na Apwiya, mamwene mattheene a va ellapo yavatthi eneerekewoova ntitimiho niwa.

2 Mamwene 13:5

Sika ekaambiiwa Apwiya yamutthoollilliiwa oohoollella wi aavulluse Aisraele m'mattani mwa Asiriya. Sika Aisraele yaakhalla mwamurendelle mwiillaponi mwiwa wonanko yakhallelliiwa khalle.

Oweeruza 3:9

Koma Aisraelaayo yinllelliiwa wa Apwiya, Apwiyaayo yahaarumihella owaavullusa oyo aavullusalle. Olliyoolla aari Otiniyele, mwaana a Kenazi, mung'onong'onwaaye a Kalebe.

Nehemiya 9:27

Sika mwahaavelleella wa adaniiwa ayo yaahoosa. Voohoosiwani yaaninllella wa nyuwaano nave mwaanawiiwa ovenyera oddullu. Nave ekaamba ya echifundwaanyu yuullupalli mwaanaavaha oohoollella ayo yaavullusa m'mattani mwa adaniiwaayo.

Masalimo 47:7

Mulluku sika mwene a va ellapo yavatthi ettheene, ipani mweeruso machipo ootitimiha!

Masalimo 67:4

Mitundu ddittheddene dda athu ddikhuwe moohakallalla, kaambiiwa munnaweeruza mwa echilungamo ni waahoollella va ellapo yavatthi.

Genesis 25:23

Apwiya yaallota wa oolliye wi, “M'mirimani mwawo muri mitundu miilli dda athu. Oneeroyara mitundu dda athu ddoollipana, mwaana mmodda anaakhalle amasiva omukhwaranya mukhwaaye, muullupalli aneerekomurumeyella mung'onong'ono.”

Masalimo 22:29

Athu attheene eeyuuma eneeromukokhorella. Naari athu attheene ekhwaka ehiworaka osunga okumiiwa koma eneerewaakokhorella, ni ayo ehinawora wiisungella okumiiwa.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Mika 4:7

Oottutthunya kineerewaatthattusa oohalla nave ayo yiikariwe owaniwa kineerewaatthattusa mutundu wamasiva. Mi Apwiya kinaakhalle mweniiwa va mwaango wa Ziyoni ovenyera ollello ophiyera wa enthawi yoohimalla.”