Obadiya 1:18 - Mawu a Mulluku

¹⁸ Athu a Yakobo enaakhalle wonanko munllo, athu a Yosefe enaakhalle wonanko mallumi amunllo. Eneerowoononga athu a Esau wonanko munllo onashellellihiiwa makoto, khekhallavo edduullu ya Esau enaavulluwe. Mi Apwiya koollota.”

Obadiya 1:18 ပူးပေါင်းရင်းမြစ်များ

Zekariya 12:6

“Nllapo nenno oohoollella a Yuda kineerewaatthattusa wonanko ninkhalla noottotthowa variyari va ekhuni, wonanko mutthiko wookhara variyari va mitolo dda tirigu. Eneerewoosa mitundu dda athu ddittheddene ddoowaapheella, onnattanatta ni wuunyotthoni koma athu a o Yerusalemu enaakhalleve mwamurendelle m'muzindani mwiwa.

Yesaya 10:17

Mulluku, Owala wa Israele anaakhalle wonanko munllo. Aweella anaakhalle wonanko mallumi amunllo wooshellelliha miiwa ddoohiyanahiyana va nllapo nimodda.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Ezekiele 37:19

waalleelle wi mi Apwiya Mulluku kinallota wi, ‘Kiri vakhuviru okusa ekopo ya Yosefe eyo yaari m'mattani mwa Efuremu vamodda ni Aisraele awiiwananana wi killundellelle ni ekopo ya Yuda wi ekhalle ekopo emodda. Nave eneerokhalla emodda m'mattani mwaka.’

Yesaya 5:24

Sika wonanko munllo onoonongelliiwa muttatthi ni manasi, emoddamoddave yeeyo musisiiwa oneerewunta nave malluwiiwa eneeronyaalla ni ovava wonanko nthupi kaambiiwa yaakhoota malamulo a Apwiya Amasiva Mattheene nave yaavevulla mawu a Aweella a Israele.

1 Akorinto 3:12

Amodda ennamaka vamatthipellonimvo ni golide apaalle siliva apaalle malluku oowallamella mutengo; amodda ennamaka vamatthipellonimvo ni miteekho apaalle ni manasi apaalle mittatthi.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Obadiya 1:16

Athwaaka aamuwirya kapu a ollaka, va mwaangwaaka waweella. Koma mitundu ddittheddene ddawaapheella, ddineerekomuwirya kapu a ollaka, ddineerekomuwirya muttheene nave ddineerekothiima.”

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Yowele 2:5

Annaruma wonanko magareta voowellani miyaango, anniiweya wonanko manasi awumma vamunlloni ennatthattana wonanko akhoto amasiva enakhozekella ekhoto.

Ezekiele 37:16

“We mwaana a muthu, kusa ekopo olembevo wi, ‘Ya Ayuda ni Aisraele awiiwananana.’ Vano okuse ekopo emodda olembevo wi, ‘Ya Aefuremu,’ sika wi nlloko na Yosefe, ni Aisraele attheene awiiwananana.

Yesaya 47:14

Ngoona, athwaalla tti wonanko mittatthi, eneeroosha ni munllo, Khewora wiivullusa weekhiiwa o masiva a mallumi amunllo. Munllweene tti woohootheya tti woohaatamelleya.

Yesaya 31:9

Mweniiwa aneerothawa ekaamba ya woopopihiwa nave oohoollelliiwa akhoto eneeropallalleya mwawoova wunchichi vawi eneerohiya embendela ddiwa ddakhoto. Enallota ddenndda tti Apwiya ayo munllwiiwa ori mu Ziyoni nave eng'anjwiiwa eri mu Yerusalemu.

2 Samuele 19:20

Miyaano kaporwaanyu kinnadduwella wi kaachimwa. Ella sika ekaambiiwa kiwiilleemi ollellova. Mu nibanja nittheene na Yosefe awaamba tti miyaano owa okumana ni nyuwaano apwiyaaka amwene.”

Yesaya 9:18

Vawi onanara wa athu onakhara wonanko munllo wawoosa miiwa ddoohiyanahiyana. Onnashellellihattho otthako nave mwiisiiwa onakhalla wonanko murapo wawiitivalla.

Yesaya 9:19

Ekaamba ya yeella, osha murima wa Apwiya Amasiva Mattheene wohoosa ellapo nave athu tti wonanko ekhuni vawi khaavo muthu anammoriwella ethakaraka mukhwaaye.

Yeremiya 11:23

Khavulluwa naari mmodda vawi kineerowoononga athu a o Anatoti waphiya muyakhiiwa wa ollakiwa.”

Amosi 1:8

Kineerewaavenyihamo ookhalla mu Ashidodi navettho oyo anaalamulelleke o Ashikeloni. Kineerewoononga muzinda wa Ekeroni ni nnatta naka nave Afilisti oohalla eneerewoonongeya.” Mi Apwiya Mulluku koollota.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Eksodo 5:12

Sika athwaalle yaamwareya mu ellapo ettheene ya Iguputo waashaasha manasaayo ni mapallakeene.