Obadiya 1:12 - Mawu a Mulluku

¹² Khawaaphwanenlle onyemulla otulli wa mbalaawo. Khawaaphwanenlle othapella woonongiwa wa athu a o Yuda. Khawaaphwanenlle waattheya mvo yaariiwa mu ddookatamiha.

Obadiya 1:12 ပူးပေါင်းရင်းမြစ်များ

Mika 4:11

Vano mitundu ddinchichi ddootthukumana wi ddiwane ni weyaano Ziyoni voollotani wi, “Hankoni nimuripihe, noone omalla wa Ziyoni.

Ezekiele 35:15

Moollikana ni mmo mwahakallallelleenyu ni omora yoohallana ya enyumba ya Israele, miyaano kineeroweerellani emoddamoddave yeeyo. We mwaango wa Seiri ni ellapo ettheene ya Edomu oneerotthattuwa ntepe. Vano athu attheene eneerodduwella wi mi tti Apwiya Mulluku.”

Miyambo 17:5

Oyo anamweerella epewe oohoowa anamuvevulla oyo amuphatusalle nave anahakallalla ni otulli aneerollakiwa.

1 Samuele 2:3

Nyu athu, muhinallotaka mwawiitthamalla, vayanoni vanyu vihinallotaka ddawiitukhulla vawi Apwiya tti Mulluku eezeru, olliye sika aneeruza mitteko dda athu.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Yuda 1:16

Athu yaalla ennawinya wunchichi. Nave enathwara minkhella ddiwa ddoonanara. Ennallota mwawiitukhulla nave ennaariiha athu mwawoottha wi epindulevo.

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

Masalimo 31:18

Akhurumuseni athu attheene awoottha oollota mwawiitukhulla ni mowaavevulla athu oolungama.

Masalimo 22:17

Makhuvaaka mattheene eri vaweella koma adanaaka ennakiwehesesa moohakallalla.

Yobu 31:29

Ngaahakallanlle ni otulli wa mudanaaka, ngaattheyille ddoohoosa ddammorenlliiwa.

Yawuupullulla 13:5

Enama yuullupalli yawoopiheeyo yahaakhullelliwa wi ollotelleke epewe ni omuvevulla Mulluku nave yaavahiwa olamulello waweera ddiidda wa miyeri 42.

Yakobo 3:5

Naari nllumittho tti echiwalo eng'onong'ono koma ninniitukhulla wunchichi. Ngoonanittho wunnuwa wa otthako oyo onahelliwa ni mwanamunllo.

Luka 19:41

Aatamenlleeye o Yerusalemu nave awoonilleeye muzindooyo, aawinllella

Maliro 4:21

Hakallallani wunchichi, nyu anamwani aatthiyana a Edomu, nyu athu ookhalla mu ellapo ya Uzi. Nyuttho kapu a ddoohoosa eneerewuuphiyerani, muneerolezela ophiyera orulla ddoowara.

Yesaya 37:24

Wahaaruma amithengaawo wi ekinyaambuse voollollotani wi, Ni magaretaaka awaata kaawella miyaango ddoorekama, kaaphiya vaddullu va miyaango dda Lebanoni. Kaakakatha miteekho ddiwa ddamukunguza ddoorekamesesa, navettho miteekho ddiwa dda paini ddooreera wunchichi, kaavollowattho muwariwari mwiwa, muutthakoni mwiwa moophipesesa,

Masalimo 92:11

Miitthwaaka ahoona woonongeya wa adanaaka, maarwaaka ahiiwa winlla wa ookiwukila.

Masalimo 59:10

Mullukwaaka aneerokichingamella kaambiiwa tti Mulluku a echikondi yoohisintheya. Mullukwaaka aneerokaakhullella wi kihakallalle, vawoonani adanaaka egonjille.

Masalimo 54:7

Mookivullusa mu ddookatamiha ddaka ddittheddene, koohakallalla vawoonani adanaaka attheene egonjaka.

Yobu 18:20

A woovollowa nndduwa eneerottikhina nllapo nenna, a wookhumella nndduwa eneerewaapheella muru.

Masalimo 35:15

Koma miyaano kakwakwatuwalleemi alliwaayo yaatthukumana ehakallallaka. Ookuukutha yaakuupa, yaakuukutha moohihiyerera.

Maliro 2:16

Adanaawo attheene yoowaatthamella enuunyindulla, enuuttheya ni okhuuriha miinwiiwa. Nave ennallota wi, “Ddawoona, noowoononga! Aha! Nna sika nllapo nanitiyerelleehu! Vano noophiya nave noonoona.”

Ezekiele 35:12

Muneerodduwella wi mi Apwiya kahiiwa mawaanyu oovevulla miyaango dda o Israele. Mwaallota wi, ‘Miyaango dda o Israele ddoohiyiwa, noovahiwa wi niddoononge.’

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’