Obadiya 1:10 - Mawu a Mulluku

¹⁰ “Ekaamba ya ekuku wamweerelleewe mwanamunno Yakobo, owulliwa muru eneerewuuhuruwella, oneerewoonongeya wa enthawi yoohimalla.

Obadiya 1:10 ပူးပေါင်းရင်းမြစ်များ

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Ezekiele 35:9

Ellapwaanyu kineeroyitthattusa matepe wa enthawi yoohimalla nave m'mizindani mwanyu khamukhalla athu. Vano muneerodduwella wi mi tti Apwiya.

Masalimo 89:45

Moomuulluvalliha mwawaakuva, moomuhuruwella ni owulliha muru.”

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Masalimo 137:7

Nyu Apwiya, upuwellani nndde yeerille Aedomu va nllapo nawoonongeya wa Yerusalemu, valle yallotiiwa wi, “Mukumulleni Yerusalemu, mukumulleni Yerusalemu, ophiyera vamatthipello vaye.”

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Yowele 3:19

Iguputo aneerotthattuwa echipululu, Edomu anaakhalle ntepe noohikhalla athu ekaamba ya ekhoto yahelliwe athu a o Yuda ni owiipha athu oohilakwa mwiillaponi mwiwa.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Maliro 4:21

Hakallallani wunchichi, nyu anamwani aatthiyana a Edomu, nyu athu ookhalla mu ellapo ya Uzi. Nyuttho kapu a ddoohoosa eneerewuuphiyerani, muneerolezela ophiyera orulla ddoowara.

Yeremiya 51:51

Nyu munallota wi, ‘Ninawulliwa muru ekaamba ya ovevulliwa nko nikumanneehuna. Ekhove ddahu ddoomora ekaamba ya athu eelleto yoovollowa o mapuro oopatuleya o enyumba ya Apwiya.’

Yeremiya 49:13

Kinimallupella, muzinda wa Bozira oneerotthattuwa ello yawoopiha, yoottheyiwa, yoohikhalla ni mutteko ni yootembeleliwa. Nave mizi ddiwa ddittheddene ddinaakhalle matepe wa enthawi yoohimalla. Mi Apwiya koollota.”

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Masalimo 132:18

Adanaaye kineerewaawariha owulliwa muru, koma olliye aneerowarihiwa enduwira yoonyezimella.”

Masalimo 109:29

Ookivaanyihana evevuwe, owulliwa muru wiwa waahuruwelle wonanko yoowara.

Masalimo 69:7

Vawi koovevulliwa, ekhovaaka yoowulliwa muru ekaamba ya nyuwaano.

Genesis 27:11

Koma Yakobo ahaalleella amennya wi, “Munnadduwella wi Esau tti a mapururu koma miyaano mwiillaaka tti woosalala.

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

2 Epilli 28:17

Valle Aedomu yaahellattho ekhoto ni waagonjiha Ayuda nave yahaaphara athu okaporo.

Miyambo 10:6

Madaliso eri vamuru va muthu oolungama koma muwano mwa muthu oonanara mookona ekhoto.

Deuteronomo 23:8

Waambeella va mbado waneeraru ophiyera muhoollo edduullu ddiwa ttuuvollowana mu mutthukumano wa Apwiya.”

Miyambo 17:5

Oyo anamweerella epewe oohoowa anamuvevulla oyo amuphatusalle nave anahakallalla ni otulli aneerollakiwa.

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Maliro 4:22

Nyu anamwani aatthiyana, Ziyoni, ollakiwa wa machimwaanyu woomalla, Apwiya kheyoonjerera okaporwaanyu. Koma nyu athu a o Edomu, Apwiya eneerewuullakani ekaamba ya machimwaanyu, eneerewoonihella vaweella ddoonanara ddanyu.