Numeri 9:22 - Mawu a Mulluku

²² Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.

Numeri 9:22 ပူးပေါင်းရင်းမြစ်များ

Masalimo 32:8

Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

Mitteko 1:4

Yaariiwana nimodda, Yesu ahaalamulella wi, “Muhivenyewo o Yerusalemu koma mutiyere ophiyera mwaakhenlle emphaso ya Attiitthaaka kalonjezilleemiille.

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Masalimo 107:7

Yahaahoollella o ettilla yawookowa ophiyera yaaphiya o muzinda wi yakhallemo.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Masalimo 73:24

Munnakookollella ni malangizwaanyu, vatulli viwa muneerokaakhella mu ntitimiho nanyu.

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Numeri 9:17

Murapo wawella ovenyera vamusasanimvo, Aisraele yaanatimulla olendwiiwa nave murapooyo wiimella, Aisraele yaanatthipella misasa ddiwa vanipuroni vaavo.

Numeri 8:20

Mmu sika Mose ni Aroni vamodda Aisraele attheene yaweerelliiwa Alevi moollikana ni mmo Apwiya yamulamulelliiwa Mose.

Numeri 1:54

Mmu sika yeerelle Aisraele. Yaheera ddittheddene moollikana ni mmo Apwiya yamulamulelliiwa Mose.

Eksodo 40:16

Mose aheera ddittheddene moollikana ni mmo Apwiya yamulamulelliiwa.

Eksodo 39:42

Sika Aisraele yaheera ddittheddene moollikana ni mmo Apwiya yamulamulelliiwa Mose.

Numeri 9:21

Enthawi emodda murapooyo waanakhuneella musasooyo waambeella misikuwa ophiyera ohinase. Ohinase murapooyo wawella alliwa yaanatimulla. Enthawi emodda murapooyo waanakhuneella musasooyo otthaana otthewene ni mahiiyweene koma wawella alliwa yaanatimulla olendwiiwa.