Numeri 8:2 - Mawu a Mulluku

² “Mulleelle Aroni wi aahiyaka enyale dditthanu ni piilli va yoohiyavo enyale, addihiye wi ddimolleelleke muhoollo mwa ddoohiyavo enyalennddo.”

Numeri 8:2 ပူးပေါင်းရင်းမြစ်များ

Eksodo 25:37

Apange enyali dditthanu ni piilli nave addihiye otthoka wa erukullu ni enthambi dda yoohiyavo enyaleeyo wi ddimolleelleke muhoollo.

Yawuupullulla 4:5

Nave o mpando woomwenooyo waanavenyera ettari, onyakulla ni ogugudeya wa murimu. Vahoollo va mpando wa omwenooyo vaakhalla mitthiko ddookhara mitthanu ni miilli nnddo ddiri minepa mitthanu ni miilli dda Mulluku.

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yawuupullulla 1:12

Kaarukunuwa wi kiwoone enakillotihaayo ttaani nave kahoona ddoohiyavo enyali dda golide dditthanu ni piilli,

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Mateyu 5:14

“Nyu muri wonanko owala wa athu attheene a va ellapo yavatthi. Muzinda oyo omakiwe vamwaangoni khonaworeya ovittheya.

Masalimo 119:130

Otthopoollella mawaanyu onakhalla wonanko owala, onnavaha ezeru wa athu oohikhalla ni ezeru.

Masalimo 119:105

Mawaanyu tti enyali ya omanyalloni waka, ennamolleella ettillaaka.

Levitiko 24:4

Aroni apwatheke enyali ddittheddene ddiri va yoohiyavo enyali ya golide aphaama wunchichi wi ddikhalle ddookhara wiilliwiilli vamiitthoni va Apwiya.

Eksodo 40:25

Vano va yoohiyavo enyali aahiyavo enyali wi ddikhalle vamiitthoni va Apwiya moollikana ni mmo Apwiya yamulamulelliiwa Mose.

Eksodo 37:23

Aapanga enyali dditthanu ni piilli dda yoohiyavo enyali. Ezipangizo dda enyaleeyo, ddoopanella ddeko ni embale, ddaari dda golide aphaama wunchichi.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Numeri 8:1

Apwiya yaamulleella Mose wi,

Numeri 8:3

Aroni aheera ddiiddo. Aaddihiya wi ddimolleelleke muhoollo mwa yoohiyavo enyalennddo moollikana ni mmo Apwiya yamulamulelliiwa Mose.

Eksodo 39:37

yoohiyavo enyali yagolide aphaama wunchichi, enyali ddiwa ni ezipangizo ddiwa, makhura a enyali,