Numeri 8:17 - Mawu a Mulluku

¹⁷ vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba, Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene.

Numeri 8:17 ပူးပေါင်းရင်းမြစ်များ

Eksodo 13:2

“Waavelleelle anamwani aallopwana awaamba attheene wa miyaano. Variyari va Aisraele, arive mwaana aamullopwana awaamba a muthu apaalle a enama, tti aaka.”

Luka 2:23

Vawi moolembiwa m'malamuloni a Apwiya wi, “Arive mwaana aamullopwana, awaamba, avelleelliwe wa Apwiya.”

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Aheberi 11:28

Ekaamba ya echikhulupililo, Mose akeraatthihalle Ehakallallo ya Paska, aalamula wi emidde nikhame na enama machiwiiwa wi angelo ayo enaawiipheke anamwani awaamba ehiwiiphe anamwani awaamba Aisraele.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Yohane 10:36

Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku?

Ezekiele 20:12

Kahaavaha nllapo na Sabata wi nikhalle echizindikiro variyari va miyaano ni alliwa wi edduwelle wi mi Apwiya kinnapatula.

Masalimo 135:8

Tti alliwa yawiiphalle anamwani awaamba a o Iguputo, a athu ni a enama ddene.

Masalimo 105:36

Alliwa yaawiipha anamwani attheene aallopwana awaamba mu ellapwiiwa, anamwani awaamba esombwiiwa.

Masalimo 78:51

Aawiipha anamwani awaamba attheene a Aiguputo, anamwani awaamba a masiviiwa, m'misasani dda edduullu dda Hamu.

Numeri 3:13

vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba a Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene. Attheene tti aaka nave mi tti Apwiya.”

Levitiko 27:26

“Koma vihikhalle muthu anaamuvelleelle musaana awaamba a enama. Vawi ovenyera khalle musaanooyo tti Apwiya. Naari eri eng'ombe apaalle enkhosa apaalle epuri, yeeyo tti ya Apwiya.

Eksodo 29:44

Kineerowupatula musasa wamutthukumano ni nikuwa nene. Nave kineerewaapatula Aroni ni anaaye wi ekhalle allupa mukutho.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Numeri 8:18

Vano variyari va Aisraele kohaakusavo Alevi munipuroni mwa anamwani attheene awaamba.