Numeri 6:9 - Mawu a Mulluku

⁹ “Muthu mmodda akhwa moorurumusa vakhuviru ni olliye, sika wi meehi a awiivelleellooyo aaripihiwa, acheme omuruni waye nllapo waneetthanu ni meelli, nllapo naweellihiwa waye.

Numeri 6:9 ပူးပေါင်းရင်းမြစ်များ

Numeri 6:18

Munazirooyo acheme omuruni waye va mullako wa musasa wamutthukumano. Nave akuse meehi a omuruni waye awoose vamunlloni oyo ori vatthi va mukutho wa eyaattano.

Mitteko 18:18

Paulo amallihalle okhalla ni ookhulupilila a o Korinto wa mallapo manchichi ahaahiya awella ekallawa ni Prisila ni Akwila eya o Siriya. Ahinawelle ekallawa o Kenkrea, Paulo aachema meehaaye kaambiiwa aallupella wa Mulluku.

Levitiko 14:9

Va nllapo nookomihera, acheme meehaaye mattheene omuruni waye. Achemettho ereru ni ekwikwi ddene ni meehaaye mattheene. Vatulli viwa achape ddoowara ddaye nave ahape sika eeddiiddo aneerokhalla aweellihiwa.

Mitteko 21:27

Nave mallapo matthanu ni meelli a oddeelliha yahaanlliiwa vang'ono omalla, Ayuda amodda oovenyera o echigawo ya Asiya* yaamoona Paulo mu enyumba ya Mullukummo. Yahaakopa athu attheenaayo nave yaamuphara Paulo.

Levitiko 14:8

Oovoriiwa anaaka eellihiwooyo achape ddoowara ddaye, acheme meehaaye mattheene nave ahape, vano eeddiiddo aneerokhalla aweellihiwa. Amalliha ddittheddennddo, avollowe omisasani koma akhalle otte wa musasaaye mallapo matthanu ni meelli.

Numeri 6:8

Muthooyo tti awaapatuleyella Apwiya mallapo mattheene a wiivelleella waye.

Deuteronomo 21:12

Vano mumuyeena owaninyu nave mutthiyanooyo acheme murwaaye, attheke ekarukha ddaye,

Ezekiele 44:27

Vano va nllapo nawi avollowe mu nthato namuwari wi arumeyelle mu nipuro naweella, avelleelle mukutho woopepesella machimo. Mi Apwiya Mulluku koollota.