Numeri 6:5 - Mawu a Mulluku

⁵ “Mallapo mattheene ayo allupenlleeye wi aneerewiivelleella wa Apwiya ahicheme omuruni waye. Enthawi ettheene aniivelleelleeye wa Apwiya akhalle oopatuleya nave ahiye meehaaye wi yunnuweke.

Numeri 6:5 ပူးပေါင်းရင်းမြစ်များ

1 Samuele 1:11

Hana aallupella wi, “Apwiya Amasiva Mattheene, miyaano kiri mullupa muttekwaanyu, moone ohoowa waka nave mukaakhullelle ovekella waka, kinallota ddawoona wi mwakivaha mwaana aamullopwana kineeromuvelleella wa nyuwaano, Apwiya, mallapo mattheene a okumaaye nave ngimuchema.”

Oweeruza 16:17

Sika aamuwululella mwaariyooyo dda m'murimani mwaye ddittheddene wi, “Ephatuwellwaaka nginachemeke vawi kaatthoolleyella wa Mulluku ovenyera kihinayariwe. Erimakichema meehaakaalla, masivaaka enoorokivenyella. Kineerokhalla oofooka nave kinaakhalle wonanko arive muthu.”

Oweeruza 13:5

Vawi muneerokhalla ni erukullu nave muneeromuyara mwaana aamullopwana. Mwaanooyo ayariwa, muhiwe mumuchema vawi ootthoolleyella wa Mulluku ovenyera oyariwa waye monga Munaziri.* Nave aneerewaamba waavullusa Aisraele wa Afilisti.”

Oweeruza 16:19

Mutthiyanooyo aamweeriha Samisoni wi akoneke vametoni vaye. Vano aamwiithana muthu wi acheme matuthu matthanu ni meelli ameehi a m'muruni mwa Samisoni. Vano olliyooyo ahaamba ofooka nave masivaaye yaamuvenyera.

Mitteko 18:18

Paulo amallihalle okhalla ni ookhulupilila a o Korinto wa mallapo manchichi ahaahiya awella ekallawa ni Prisila ni Akwila eya o Siriya. Ahinawelle ekallawa o Kenkrea, Paulo aachema meehaaye kaambiiwa aallupella wa Mulluku.

Numeri 6:4

Mallapo mattheene muthooyo anaawiipatulelleeye wa Apwiya ahiche erive yoocha yoovenyera o ezipaso ddampesa naari enuku ddiwa apaalle nttapara niwa.

Ezekiele 44:20

Allupa mukuthwaayo ehichemeke apaalle osunga meehi oorekama wunchichi koma ephaddereke.