Numeri 6:24 - Mawu a Mulluku

²⁴ “Apwiya yuudaliseni nave yuusungeni.

Numeri 6:24 ပူးပေါင်းရင်းမြစ်များ

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

Afilipi 4:7

Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

Yesaya 42:6

“Mi Apwiya koowiithana wi okeraatthihe echilungamo. Kohuuphara nnatta ni wuusunga, kohuutthoolla wi okhalle echipangano wa athu, okhalle owala wa athu a mitundu ddimodda.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Masalimo 91:11

Vawi Apwiya eneerewaalamula angelwiiwa dda weyaano yuutetezeke mu ettilla ddawo ddittheddene.

Masalimo 134:3

Apwiya yaphatusalle oddullu ni ellapo yavatthi, yuudalise ovenyera o Ziyoni.

Rute 2:4

Vihinallekelle Bowazi aaphiya ovenyera o Betelehemu nave ahaallochella athu yahataalle voollotani wi, “Apwiya yuudaliseni!” Alliwa yahaakhulla wi, “Apwiya yuudaliseni nanyeene!”

Masalimo 17:8

Mukipwathe wonanko niittho nanyu, mukikhupaarelle ni muuphellwaanyu,

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Afilipi 4:23

Echisomo ya Apwiya Yesu Khrisitu ekhalle ni nyuwaano attheene.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Masalimo 28:9

Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.

Yesaya 27:3

“Mi Apwiya sika mulonda a emateeyo, enthawi ddittheddene kinnayihellella. Kinnayiwehera otthaana ni mahiiyu wi ahikhallevo ooyoononga.

1 Akorinto 14:16

Mwaamuthokozaka Mulluku m'munepanive, athu amodda eneere “Amen” mwawiidde mwawaakhullella othokoza wanyu yaahidduwella eyo munallotaanyu?

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

2 Samuele 7:29

Vano kinuuvekani wi moohakallalla mudalise nibanja na mi oorumeyellaanyu wi nikhallekewo wa enthawi yoohimalla vamiitthoni va nyu, Apwiya Mulluku. Vawi eyo muyidalisalleenyu enakhalla yoodaliseya wa enthawi yoohimalla.”

Daniele 9:17

Nyu Mullukwaahu, vano iwani nivekello ni oveka wa oorumeyellaanyu navettho ekaamba ya nnddina nanyu ekhovaanyu ewalelle va nipuro nanyu naweella nno nitthattuwalle ntepe.