Numeri 35:6 - Mawu a Mulluku

⁶ Mwaavahe Alevi mizinda mitthanu ni mmodda wi ddikhalle ddoothawellamo muthu amwiipha mukhwaaye moohidduwella. Woonjerera va ddennddo mwaavahettho mizinda 42.

Numeri 35:6 ပူးပေါင်းရင်းမြစ်များ

Yoswa 21:13

Sika matawoni mattheene ayo yavahiwe wa edduullu dda Aroni, mullupa mukutho tti, Hebroni, oyo waari muzinda woovulluwellamo muthu oomwiipha muthu oohikhalla mwaphudda ni mapuro oochihellamo eziweto navettho Libina ni mapuro oochihellamo eziweto,

Yoswa 21:3

Sika Aisraele yahaavaha Alevaayo ovenyera va yoohallaniiwa moollikana ni nnddo Apwiya yalamulalliiwa mizinda ni mapuro oochihellamo eziweto.

Masalimo 9:9

Wa Apwiya tti woothawellawo athu oophittiwa, tti woovulluwellawo enthawi ya ddawoopiha.

Yoswa 21:38

Ovenyera o nlloko na Gadi yaavahiwa mizinda dda Ramoti o Giliyadi ni mapuro oochihellamo eziweto, muzinda woovulluwellamo muthu oomwiipha mukhwaaye moohikhalla mwaphudda, owaakattho Mahanaimu,

Yoswa 21:36

Ovenyera o nlloko na Rubeni yaavahiwa mizinda dda Bezeri ni mapuro oochihellamo eziweto, Yahazi ni mapuro oochihellamo eziweto,

Yoswa 21:32

Ovenyera o nlloko na Nafutali yaavahiwa muzinda wa Kedeshi mu Galileya ni mapuro oochihellamo eziweto, muzinda woovulluwellamo arive muthu oomwiipha mukhwaaye moohikhalla mwaphudda ni Hamotidori ni mapuro oochihellamo eziweto ni Karitani ni mapuro oochihellamo eziweto mizinda miraru.

Yoswa 21:27

Agereshoni, mulloko mmodda wa nlloko na Levi, yaavahiwa ovenyera o hafu a nlloko na Manase, Golani o Bashani ni mapuro oochihellamo eziweto, muzinda woovulluwellamo muthu oomwiipha mukhwaaye moohikhalla mwaphudda ni Beshetara ni mapuro oochihellamo eziweto, mizinda miilli.

Yoswa 21:21

Yaavahiwa Shekemu ni mapuro oochihellamo eziweto o miyaango dda Efuremu, muzinda woovulluwellamo muthu oomwiipha mukhwaaye oohikhalla mwaphudda ni muzinda wa Gezere ni mapuro oochihellamo eziweto,

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Yesaya 4:6

Ntitimiho niwa ninaakhalle muuthuuchi woothawellamo oviha wa otthaana nave ninaakhalle nipuro noomuthawellamo namondwe ni murimu.

Numeri 35:5

Mulinge otte wa mizindannddo, wookhuma nndduwa mamita 900, omwera mamita 900, woovollowa nndduwa mamita 900, ompoto mamita 900 nave muzindooyo okhalle variyari. Nipuro nenna ninaakhalle noochihella eziweto dda m'mizindani mwiwa.”

Eksodo 21:13

Koma amwiipha muthu moohidduwella koma kakhalla wi tti miyaano Mulluku keerihalle wi ddimweereyelle, muthooyo ttuuwora othawella onipuroni nko kinuuvaheemini.