Numeri 35:30 - Mawu a Mulluku

³⁰ “Muthu mmodda amwiipha mukhwaaye, olliyooyo iiphiwettho amboni yavelleella omboniiwa. Koma muthooyo ahiiphiwe akhalla wi avelleelle ombonooyo tti muthu mmodda.

Numeri 35:30 ပူးပေါင်းရင်းမြစ်များ

Aheberi 10:28

Muthu oohithwara malamulo a Mose aniiphiwa mooheerelliwa echifundo vakhalla amboni eelli apaalle araru.

Mateyu 18:16

Koma aahiwiiwellella omwaanjererevo mmodda apaalle eelli wi mawu mattheene yasimikizelliwe ni amboni eelli apaalle araru.

Deuteronomo 19:15

“Mboni mmodda khanakwakhwanella osimikiza wi muthu oolakwa apaalle wi oottatthamulla mullatu. Koma amboni eelli apaalle araru sika enakwakhwanella osimikiza wi muthooyo oolakwa.

2 Akorinto 13:1

Vano ella tti enthawi yaneeraru kinaweemi wa nyuwaano. Mawu a Mulluku eni, “Orive mullatu osimikizelliweke ni amboni eelli apaalle araru.”

1 Timoteo 5:19

Ohaakhullelleke mullatu wa muttekweene, vaavove vikhanlle amboni eelli apaalle araru.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Yohane 7:51

“Ethiyo malamulwaahu ennamuvaanyiha muthu nihaambille omwiiwa olliye wi nidduwelle eyo enreeye?”

Numeri 35:16

“Koma muthu amuukutha mukhwaaye ni mukoko nave akhwa, sika wi olliyooyo tti muthu awiipha, olliyettho iiphiwe.

Eksodo 21:12

“Arive muthu anamuukutha muthu ni omwiipha, olliyettho iiphiwe.

Levitiko 24:17

“Arive muthu anamuukutha muthu ni omwiipha, olliyettho iiphiwe.

Numeri 35:31

Woonjerera vaavo, muhaakhelle yoomoopollella muthu oyo amwiiphalle mukhwaaye. Koma olliye anaphwanella iiphiwe.

Deuteronomo 27:24

“Atembeleliwe arive muthu oomwiipha mwawiipittha mukhwaaye. “Nave athu attheene yaakhulle wi, ‘Amen!’