Numeri 35:19 - Mawu a Mulluku

¹⁹ Mbalaaye a awiiphiwooyo sika anaamwiiphe awiiphooyo akumanana.

Numeri 35:19 ပူးပေါင်းရင်းမြစ်များ

Yoswa 20:5

Muthu oopaalla omuhokollosella ddoonanara amuthwara wenko, athu a m'muzindanimmo ehimuvelleelle muthu awiiphooyo wa olliyooyo. Koma emuteteze kaambiiwa eerille ddiiddo ohikhalla mwaphudda, voomwiiphani mu Israele mukhwaaye ekaamba yawi kheerille phudda omwiipha mukhwaaye nave khaawiitanena ovenyera khalle.

Yoswa 20:3

Sika arive muthu oomwiipha mukhwaaye, oohikhalla mwaphudda, ttuuthawellawo nave ttuuvulluwa wa muthu oyo anapaalla omuhokollosella ddoonanara.

Deuteronomo 19:12

attekweene a nthato emwiithanihe ovenyera omuzindaninko nave emuvelleelle wa oophwanella omuhokollosella ddoonanara wi iiphiwe.

Deuteronomo 19:6

Vakhalla muzinda mmodda, mutunda oneerorekama wunchichi wi oyo aphwanenlle ohokollosella ddoonanara ttuumuphara muthu oohilakwa ni omwiipha mooshani murima. Vawi muthu oothawooyo amwiiphalle mukhwaaye moohidduwella ohiri ekaamba yawiitanana.

Numeri 35:21

apaalle amuukutha ni nnatta naye mwawiitanana nave mukhwaayooyo akhwa, sika wi olliyooyo tti muthu awiipha, olliyettho iiphiwe. Mbalaaye a awiiphiwooyo sika anaamwiiphe awiiphooyo akumanana.

Numeri 35:27

nave mbalaaye a awiiphiwooyo amuphwanya amwiipha, khiipiwa mullatu woomwiipha muthu.

Numeri 35:24

vaavo athu attheene yeeruze variyari va muthu awiiphooyo ni mbalaaye a awiiphiwooyo moollikana ni malangizo yaalla.

Numeri 35:12

Mizindannddo ddinaakhalle ddoomuthawellamo muthu oyo anapaalla ohokollosella ddoonanara wi muthu oyo amwiiphalle mukhwaaye moohidduwella ahiiphiwe ophiyera iipiwe mullatu.

Genesis 4:14

Vano mookiikaravo va ellapo yavatthi vamoddattho ni vamiitthoni vanyu. Kinaakhalle aweeteeta shisha, oohikeraattheya nipuro nimodda nave arive muthu anaakiphwanye aneerokiipha.”

Numeri 35:18

Apaalle muthu amuukutha mukhwaaye ni ekoonda yawi ttuumwiipha muthu nave akhwa, sika wi olliyooyo tti muthu awiipha, olliyettho iiphiwe.

Numeri 35:20

“Muthu amuhoma mukhwaaye ekaamba yawi tti mudanaaye apaalle amuhoma ni echida moomwiipitthella

2 Samuele 14:7

Vano nibanja nittheene nookiwukila mi mullupa muttekwaanyu aamutthiyana. Enallota wi, ‘Oninnye mwanawo oyo amwiiphalle mwanamunne wi nimwiiphe ekaamba ya mwanamunne oyo amwiiphalleeye.’ Sika athu eneerokoonongella mwaana oyo anaahallena eyuuma. Athwaayo eneeromwiipha mwaana kihanlleemina nave nnddina na mamunaka nineerotiwalleya vawi khanikhalla ni mwaana munibanjani mwahu.”

2 Samuele 14:11

Vano mutthiyanoolle aallota wi, “Pepaani, muveke wa Apwiya Mullukwaanyu wi mbalaaka oyo anapaalla ohokollosella wiiphiwa wa mwanaka, ahimwiiphettho mwanaka ahanlloolla.” Davide aallota wi, “Kinimallupella vamiitthoni va Apwiya wi mwanawo khawa avoreyiwa naari vang'ono.”

Oweeruza 8:19

Gideoni ahaalleella wi, “Yaalle yaari asinnaka, anamwani awaamwa nipelle nimodda ni miyaano. Kinimallupella vamiitthoni va Mulluku wi, ‘Mwahiwiiphalleke miyaanottho ngaawiipheni.’ ”

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

2 Samuele 3:30

Sika Yowabu ni mwanamunne Abishai yaamwiipha Abinere kaambiiwa Abinerooyo aari amwiiphalle mwanamunniwa Asahele vakhotoni ya o Gibiyoni.