Numeri 35:12 - Mawu a Mulluku

¹² Mizindannddo ddinaakhalle ddoomuthawellamo muthu oyo anapaalla ohokollosella ddoonanara wi muthu oyo amwiiphalle mukhwaaye moohidduwella ahiiphiwe ophiyera iipiwe mullatu.

Numeri 35:12 ပူးပေါင်းရင်းမြစ်များ

Deuteronomo 19:6

Vakhalla muzinda mmodda, mutunda oneerorekama wunchichi wi oyo aphwanenlle ohokollosella ddoonanara ttuumuphara muthu oohilakwa ni omwiipha mooshani murima. Vawi muthu oothawooyo amwiiphalle mukhwaaye moohidduwella ohiri ekaamba yawiitanana.

Yoswa 20:9

Ddenndda tti mizinda nnddo ddatthoolliwe wi ddikhalle ddoothawellamo Aisraele attheene naarittho alleto ookhalla variyari viwa. Arive muthu oomwiipha muthu oohikhalla mwaphudda avulluwellewo. Oomuthwara wi amuhokolloselle yoonanara ahimwiiphe mullatwaaye ohiniipiwe vamiitthoni va attheene.

2 Samuele 14:7

Vano nibanja nittheene nookiwukila mi mullupa muttekwaanyu aamutthiyana. Enallota wi, ‘Oninnye mwanawo oyo amwiiphalle mwanamunne wi nimwiiphe ekaamba ya mwanamunne oyo amwiiphalleeye.’ Sika athu eneerokoonongella mwaana oyo anaahallena eyuuma. Athwaayo eneeromwiipha mwaana kihanlleemina nave nnddina na mamunaka nineerotiwalleya vawi khanikhalla ni mwaana munibanjani mwahu.”

Numeri 35:19

Mbalaaye a awiiphiwooyo sika anaamwiiphe awiiphooyo akumanana.

Numeri 35:13

Mizinda ddoothawellamo nnddo munaavaheenyu ddikhalle mitthanu ni mmodda.

Deuteronomo 19:4

Nndda sika munaphwanelleenyu weera muthu mmodda amwiipha mukhwaaye nave apaalla wi avulluse okumaaye voothawellani wenko. Muthu amwiipha mukhwaaye moohikhalla mwaphudda athawelle o orive muzinda mwa mizinda ddenndda.

Yoswa 20:2

“Alleelle Aisraele wi, ‘Tthoollani mizinda ddoovulluwellamo, nnddo mi kuulleelleemini oweella mwa Mose.