Numeri 34:6 - Mawu a Mulluku

⁶ “Maliraanyu a woovollowa nndduwa ekhalle Enyanja Yuullupalli ni museresere mwiwa. Yaalla sika malire a woovollowa nndduwa.

Numeri 34:6 ပူးပေါင်းရင်းမြစ်များ

Ezekiele 47:20

“Malire a woovollowa nndduwa ekhalle o Enyanja Yuullupalli ophiya o mapuro oowehana ni mullako wa Hamati. Yeella sika embali ya woovollowa nndduwa.

Ezekiele 47:15

“Malire a ompoto evenyere o Enyanja Yuullupalli othwara musewu wa o Hetiloni ophiya o mullako wa o Hamati, okhwaranyella o Zedadi,

Ezekiele 47:10

Awiipha ehomba eneerokhalla m'madokoni mwiwa kaambiiwa waambeella o Engedi ophiya o Enegilaimu oneerokhalla mapuro aphaama oowaaneyavo mathaviiwa. M'muhinjenimmo muneerokhalla ehomba ddoohiyanahiyana monga dda mu Enyanja Yuullupalli.

Yoswa 23:4

Ngoonani, koovelleella wa nyuwaano mitundu nnddo muhiddigonjihalleenyu wi ddikhalle yoohallanaanyu ya mallokwaanyu o muhinje wa Yordani, mitundu ddittheddene kaddoonongilleemi ni Enyanja Yuullupalli woovollowa nndduwa.

Yoswa 15:47

Yahaakhellattho mizinda dduullupalli dda Ashidodi ni matawoni oowaapheella, Gaza ni matawoni oowaapheella. Makuthullellwiiwa yaaphiya o muhinje wa Iguputo ni o Enyanja Yuullupalli.

Yoswa 15:12

Malire a woovollowa nndduwa yaari Enyanja Yuullupalli. Yaalla sika yaari malire awaapheella nlloko na Yuda ni mabanjiiwa.

Yoswa 9:1

Mamwene mattheene ookhalla woovollowa nndduwa wa muhinje wa Yordani yahiiwa ddenndda. Attheene ookhalla m'miyaangoni, mutapo ni mukhwipi mwa Enyanja Yuullupalli ya ompoto wa Lebanoni alliwattho yahiiwa. Yaalla tti mamwene a Ahiti, Aamori, Akanani, Aperezi, Ahivi ni Ayebusi.

Yoswa 1:4

Ovenyera o echipululu, omwera ophiya o miyaango dda Lebanoni, ompoto ovenyerattho o muhinje muullupalli wa Yufurate wookhuma nndduwa ophiya o Enyanja Yuullupalli woovollowa nndduwa ni ellapo ettheene ya Ahiti enaakhalle ellapwaanyu.

Numeri 34:5

Nave ekhote o Azimoninko oya omuhinjeni wa o Iguputo nave yakomelle o enyanja.

Numeri 34:7

“Maliraanyu oompoto tti awi mulembelele malire waambeella o Enyanja Yuullupalli ophiya o mwaango wa Hori.

Deuteronomo 34:2

echigawo ettheene ya Nafutali, Efuremu, Manase ni Yuda ophiya o Enyanja Yuullupalli.

Yoswa 15:11

Vano maliraayo yaakhumellella wookitthella mwaango wa Ekeroni ompoto ephiya o Shikeroni, ekhwaranyella o mwaango wa Baala ekhuma o Yabinele yamallella o enyanja.