Numeri 33:52 - Mawu a Mulluku

⁵² muwiikarihe athu attheene a mwiillaponi mwemmo mwaphiyawo. Nave moononge ddoophwanaphwaniha ddoosema ddiwa, mafanwiiwa a mikoko ni mapurwiiwa oollapellamo mafano.

Numeri 33:52 ပူးပေါင်းရင်းမြစ်များ

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Oweeruza 2:2

Vano nyuwaano muhinapangana ni athu ookhalla mwiillaponimmu. Mukumulle makuwiiwa mattheene.’ Koma nyuwaano khamwiiwellelle lamulo naka. Ella mweerilleenyu tti tini?

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

Deuteronomo 31:5

Apwiya eneerewaavelleella m'mattani mwanyu nave mwaweerelle moollikana ni mmo kuulamulalleemini.

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”

Yoswa 11:15

Moollikana ni mmo Apwiya yamulamulalliiwa oorumeyelliiwa Mose, tti mwemmo Mose amulamulelleeye Yoswa nave aheera ddittheddene Apwiya yamulamulalliiwa Mose oohihiyavo naari mawu mamodda.

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.