Numeri 33:4 - Mawu a Mulluku

⁴ Aiguputo yaari yaavitthaka aniiwa aallopwana awaamba ayo Apwiya yawiiphalliiwa variyari viwa vawi Apwiya yaallaka milluku dda Aiguputo.

Numeri 33:4 ပူးပေါင်းရင်းမြစ်များ

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Masalimo 105:36

Alliwa yaawiipha anamwani attheene aallopwana awaamba mu ellapwiiwa, anamwani awaamba esombwiiwa.

Numeri 3:13

vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba a Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene. Attheene tti aaka nave mi tti Apwiya.”