Numeri 33:3 - Mawu a Mulluku

³ Yaatimulla o Ramsesi va nllapo na 15 na mweeri wawaamba. Osaka wene, niviralle nllapo na Paska, Aisraele yaakhuma mu Iguputo mookotella, Aiguputo attheene yoonaka.

Numeri 33:3 ပူးပေါင်းရင်းမြစ်များ

Eksodo 14:8

Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Eksodo 13:4

Ollello, nllapo na okhuma wanyu mu Iguputo, tti na mu mweeri wa Abibu.

Eksodo 12:37

Sika Aisraele yaatimulla olendo ovenya o Ramsesi oya o Sukoti. Allopwana yaarivo 600,000 ohiweerengella atthiyana ni anamwani.

Mika 2:13

Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

Yesaya 52:12

Koma olendoolla khamutimulla mwawaakuva, khamutimulla moothawa. Apwiya eneeteke vahoollo vanyu, Mulluku a Israele aneereke wuutetezani otulli wanyu.

Masalimo 105:38

Aiguputo yaahakallalla alliwa yarowilliiwa kaambiiwa woopiha wiwa wahaamorella.

Eksodo 12:2

“Mweeri yoolla onaakhalle mweeraanyu wawaambella muyakha.

Genesis 47:11

Yosefe ahaakeraatthiha mu ellapo ya Iguputo attiitthinnyaalle ni asinne attheenaalle nave ahaavaha nipuro na ethaya yaphaama, o echigawo yooromolliwa Ramsesi, wonanko mmo Farao alamulalleeye.

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Numeri 33:2

Mose aalemba manddina a mapuro mattheene ayo yatthipenlliiwavo misasa moollikana ni mmo Apwiya yalamulelliiwa.