Numeri 31:30 - Mawu a Mulluku

³⁰ Nave va echigawo ya Aisraele attheene oohalla, mukusevo yawaakha okhotoni emodda va ddirive ddawaakha okhotoni 50, mukusevo emodda va akaporo, va eng'ombe, va abulu, va enkhosa ni va epuri, mwaavahe Alevi ayo enapwatha musasa wa Apwiya.”

Numeri 31:30 ပူးပေါင်းရင်းမြစ်များ

Numeri 3:31

Nave mutteko wa Akohati waari woopwatha nibokosi na echipangano, tebulo, yoohiyavo enyali, makuwa, ezipangizo dda m'mapuroni oopatuleya nnddo allupa mukutho yapharihiiwa mutteko ni ekatani. Yaanaphara mitteko ddittheddenenndda.

Numeri 3:25

Nave mutteko wa Agereshoni mu musasa wamutthukumano waari woopwatha musasooyo ni echironiiwa, ekatani ya va mullako,

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Akolose 4:17

Nave mullote wa Arkipo wi, “Woonesese wi ovirellelle ophara mutteko wa waarumeyella Apwiya oyo wavahiwiiwa ophiyera omanlle.”

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

1 Epilli 23:32

Mwawi eneerekowehera enyumba ya Apwiya. Nave eneerekewaakavihera anamwani a Aroni, abaliiwa vawaarumeyellani mwemmo.”

Numeri 31:28

Va echigawo ya athu yakelle okhotonaayo, mukusevo echigawo wi ekhalle ya Apwiya, va ddirive ddawaakha okhotoni 500, mukusevo emodda va akaporo, va eng'ombe, va abulu, va enkhosa ni va epuri.

Numeri 31:29

Mukuse ddennddo va echigawo ya athu yakelle okhotonaayo nave mumuvahe Eleazara wi ddikhalle ddoovelleella wa Apwiya.

Numeri 31:31

Vano Mose ni Eleazara yaheera nnddo Apwiya yamulamulalliiwa Mose.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 8:26

Koma ttuuwaakavihera abaliiwa mu musasa wamutthukumano mu muttekwiiwa koma ehirumeyelleke. Mmu sika onaaweerelleewe vookawani mitteko dda Alevi.”

Yoswa 9:27

Koma enthawi yeeyo, yaatthattuwa oowaashella ekhuni navettho owaarikella maaddi athu a vamutthukumanonimvo ni o nikuwani na mukutho na Apwiya. Ophiyera ollello, enneerave ddenndda o orive nipuro nko Apwiya enaatthoolliiwa.

2 Epilli 14:15

Vano yaakumulla makholla mattheene a eziweto yaakha enkhosa, epuri ni ekamira* ddinchichi nave yaahokollweella o Yerusalemu.