Numeri 31:3 - Mawu a Mulluku

³ Mose ahaalleella Aisraele wi, “Allopwana amodda variyari vanyumva ekhozekelle owana ni Amidiyani wi mwaahokolloselle ollaka wa Apwiya.

Numeri 31:3 ပူးပေါင်းရင်းမြစ်များ

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Yeremiya 46:10

Koma nllaponno tti nllapo na Apwiya Mulluku Amasiva Mattheene, nllapo nowaahokollosella adaniiwa. Nsupada niwa nineerewoononga, nineerovona ni olezela nikhame. Apwiya Amasiva Mattheene ennavelleella mukutho, ompoto, vakhuviru ni muhinje wa Yufurate.

2 Mamwene 10:30

Nave Apwiya yaamulleella Yehu wi, “Ekaamba yawi woheera ddookiddivella, vawoonongani nibanja na Ahabu moollikana ni mmo kapaallelleemi, edduullu ddawo ddineerewaalamulella Aisraele ophiyera mbado waneesese.”

2 Mamwene 9:7

Woononge nibanja na apwiyaawo Ahabu wi kimullake Yezebele ekaamba ya nikhame na anamallotellaaka ni oorumeyellaaka amodda awiiphalleeye.

Oweeruza 5:23

Mungelo a Apwiya aallota wi, “Omutembelele Merozi, waatembelele wunchichi aneetthaaye, vawi kheyaawiille wi yaakavihere Apwiya, voollipanani ni adaniiwa amasiva.”

Oweeruza 5:2

“Etitimiheye Apwiya, vawi oohoollella a Aisraele yaahoollella, athu yahiivelleella.”

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Numeri 25:11

“Finehasi mwaana a Eleazara, edduullu ya Aroni, ookihiiha wi kihiwoononge Aisraele ekaamba yawi khaakhullenlle wi arive muthu amullapelleke mulluku mmodda koma miyaano. Sika ekaambiiwa kahiwoonongilleemi kishille murima.

Eksodo 17:16

Aallota wi, “Tukhullellani muddullu embendera ya Apwiya! Apwiya eneerovirellella owana ekhoto ni Aamaleke wa enthawi yoohimalla.”

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Numeri 31:4

Mwaarumihe okhotoni athu 1,000 ovenyera mu nirive nlloko na Aisraele.”