Numeri 31:24 - Mawu a Mulluku

²⁴ Muchape ddoowara ddanyu va nllapo naneetthanu ni piilli nave muneereweellihiwa nave vatulli viwa muneerewaakhullelliwa ovollowa m'misasani.”

Numeri 31:24 ပူးပေါင်းရင်းမြစ်များ

Levitiko 11:25

Arive muthu atukhulla erive echiwalo ya enama ddookhwannddo, achape ddoowara ddaye komave aneerokhalla ooripihiwa ophiyera misikuwa.

Numeri 19:19

Muthu oohiripihiwoolle amumidde maaddi muthu ooripihiwooyo va nllapo na naneeraru ni va nllapo naneetthanu ni piilli. Nave ooripihiwooyo achape ddoowara ddaye, ahape nave misikuwa aneerokhalla aweellihiwa.

Levitiko 15:13

“Muthu ookhumiha marohooyo oona wi oochirihiwa, eerenge mallapo matthanu ni meelli a weellihiwa nave achape ddoowara ddaye, ahape vaneetuutuni nave aneerokhalla aweellihiwa.

Levitiko 14:9

Va nllapo nookomihera, acheme meehaaye mattheene omuruni waye. Achemettho ereru ni ekwikwi ddene ni meehaaye mattheene. Vatulli viwa achape ddoowara ddaye nave ahape sika eeddiiddo aneerokhalla aweellihiwa.

Numeri 31:23

ddittheddene nnddo ddinaakhullella munllo, muddihiye viikho nave ddineereweellihiwa. Komave weellihiwettho ni maaddi aweellihella. Navettho erive ello eyo ehinaakhullella munllo, muyiruweye m'maaddini yaayo.

Numeri 31:25

Apwiya yaamulleella Mose wi,