Numeri 31:23 - Mawu a Mulluku

²³ ddittheddene nnddo ddinaakhullella munllo, muddihiye viikho nave ddineereweellihiwa. Komave weellihiwettho ni maaddi aweellihella. Navettho erive ello eyo ehinaakhullella munllo, muyiruweye m'maaddini yaayo.

Numeri 31:23 ပူးပေါင်းရင်းမြစ်များ

Numeri 19:9

Muthu oyo ari oohiripihiwa sika anaawolle ntuura na eng'ombeeyo nave anihiye otte wa musasa va nipuro noopatuleya. Esungelle ntuuranno Aisraele wi ephariheke mutteko m'maaddini aweellihella. Mutetho yoolla tti woovenyihella machimo.

Numeri 19:17

“Ekaamba ya muthu ooripihiwooyo ekuse ntuura na mukutho wooshellelliha woopepesella machimo ehelle mwiipallini nave yoonjereremo maaddi aphaama a nllapo nenno.

1 Akorinto 3:13

Nave oreera wa mutteko wa arive muthu oneerewuupullulliwa va nllapo na echiweruzo vawi nllaponno nineerophiya ni munllo nave munllooyo sika onaalinge mitteko dda arive muthu.

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.

1 Petro 4:12

Akhwaaka ookondiwa, muhittikhineke ni ohoosiwa woovoreya nko muneesiweenyuna wonanko tti ello yeelleto eneereya wa nyuwaano.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Numeri 8:7

Mmu tti sika onaaweellihellekeewe. Waamidde maaddi aweellihella machimwiiwa. Echeme mwiilli muttheene nave echape ddoowara ddiwa wi eddeellihe.

Levitiko 15:17

Erive ello ya ekuwo apaalle ya nttapara vamorella ellopwana eyihuwe koma ddineerokhallave ddooripihiwa ophiyera misikuwa.

Levitiko 11:32

Nave enama ddenndda ddakhwa nave ddamorella va erive ello, ellweeyo eneerokhalla yooripihiwa, khaya tti yamuteekho, yeekuwo, yanttapara, yeechiguduli apaalle erive echipangizo yoopharihella orive mutteko. Ellweeyo eyiruweye m'maaddini koma eneerokhallave yooripihiwa ophiyera misikuwa. Vatulli viwa eneerokhalla yaweellihiwa.

Numeri 31:22

golide, siliva ni mikoko ddimodda,

Numeri 31:24

Muchape ddoowara ddanyu va nllapo naneetthanu ni piilli nave muneereweellihiwa nave vatulli viwa muneerewaakhullelliwa ovollowa m'misasani.”

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Eksodo 19:14

Vano Mose aakittha ovenyera omwaangoni, aphiya wa athwaayo nave ahaalleella wi eddeellihe nave athwaayo yaachapa ddoowara ddiwa.