Numeri 30:12 - Mawu a Mulluku

¹² Koma mamune amuwatteella mutthiyana va nllapo nno iiwalleeye ddennddo sika wi nnddo alonjezilleeye apaalle allupenlleeye khaddiphara mutteko. Mamune oomuttaphulla nave Apwiya eneeromukhululukella mutthiyanooyo.

Numeri 30:12 ပူးပေါင်းရင်းမြစ်များ

Numeri 30:8

Koma mamune amuwatteella nllapo nenno iiwalleeye ddennddo, amuttaphulle mutthiyanooyo o nnddo alonjezilleeye apaalle allupenlleeye moohiganiza phaama nave Apwiya eneeromukhululukella.

1 Akorinto 11:3

Nave kinapaalla wi mwiiwesese wi Khrisitu tti muru wa arive mullopwana, mullopwana tti muru a mutthiyana nave Mulluku tti muru a Khrisitu.

Numeri 30:5

Koma attiitthinnya yamuwatteella namwallooyo va nllapo nno yiiwalliiwa ddennddo sika wi nnddo alonjezilleeye apaalle allupenlleeye khaddiphara mutteko. Apwiya eneeromukhululukella ekaamba yawi attiitthinnyaayo aamuwatteella.

Numeri 15:28

Sika vano mullupa mukutho amweerelle mutetho woomupepesella machimo vamiitthoni va Apwiya muthu oochimooyo nave aneerokhululukelliwa.

Numeri 15:25

Mullupa mukutho eere mutetho woopepesella machimo a Aisraele attheene nave athwaayo eneerokhululukelliwa ekaamba yawi yachimwalle moohidduwella nave wi yaawa wa Apwiya ni ddoovelleella ddiwa dda mukutho wawoosiwa viikho navettho mukutho woopepesella machimo wi yaapepeselle machimwiiwa.

Numeri 30:11

nave mamune iiwa koma oohillota ello nave aahimuwatteella, anaphwanella weera ddittheddene nnddo alonjezilleeye apaalle allupenlleeye.

Numeri 30:13

Sika mamune ookhalla ni masiva awaakhullella apaalle okhoota nnddo mutthiyanooyo alonjezilleeye apaalle allupenlleeye.

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.

1 Samuele 1:23

Elikana aamwaakhulla wi, “Onnadduwella oneereewe halla ophiyera ohiyalle omwaamwiha. Apwiya eneerewuukavihera ophiyera okwakhwanihalle nnddo walonjezilleewe.” Hana khaayiillewo o Shilo ophiyera amuhiihalle waamwa Samuele.

Yeremiya 44:19

Vano atthiyana yaallota wi, “Naanamoosella lubani mwene aamutthiyana ooddullu ni omuheraatthella mikutho ddaddoowirya. Ethiyo amamunihu kheyaakhullelle ddenndda namwaapeyelleehu buledi oolembavo ekhovaaye ni ovelleella wa olliye mikutho ddaddoowirya?”