Numeri 29:7 - Mawu a Mulluku

⁷ “Va Nllapo na khumi na mweeri waneetthanu ni piilli yoolla mweereke mutthukumano woopatuleya, muhalleke ocha nave muhiphareke mutteko.

Numeri 29:7 ပူးပေါင်းရင်းမြစ်များ

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

1 Akorinto 9:27

Kinnahiiha ni owutthattusa kaporo mwiillaka wi kihilephele kiri miyaano killalleyille othenga waphaama wa amodda.

Luka 13:5

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.”

Luka 13:3

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.

Masalimo 35:13

Koma miyaano adanaaka yavoriwiiwa, kaawara eziguduli wooniha omoriwa ethakaraka. Kahiillaka voohallani ocha, kaavekella kiwaramenlle vatthi,

Mitteko 27:9

Nallekenllehuvo vaavo nave enthawi yoohalla ocha yaari emanlle khalle, waari wawoopiha wi neetekeve va olendooyo. Nave Paulo ahaalleella wi,

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”