Numeri 29:29 - Mawu a Mulluku

²⁹ “Va nllapo naneetthanu ni nimodda mwaavelleelle anankhoro a asaanaang'ombe atthanu ni araru, anankhoro a enkhosa piilli, anankhoro a asaanaankhosa khumi ni asese a muyakha mmodda, ddittheddene ddikhalle ddoohirakalla,

Numeri 29:29 ပူးပေါင်းရင်းမြစ်များ

Numeri 29:28

Mumuvelleellettho nankhoro a epuri mmodda wi akhalle mukutho waweerella mutetho woopepesella machimwaanyu. Muvelleelle ddittheddenenndda woonjerera va mikutho dda nllapo ni nllapo, ddooshellelliha, dda othu ni dda yoowirya.

Numeri 29:30

Muvelleellettho mukutho wa othu ni wa yoowirya va anankhoro a eng'ombe, va anankhoro a enkhosa ni va asaanankhosaalle moollikana ni echiwerengero ya enamannddo ni malangizwiiwa.

2 Epilli 31:3

Nave ddoovelleella dda mwene ovenyera o eyuumaaye ddaari mikutho ddooshellelliha dda ohinase dda misikuwa, dda masabata ni dda Ehakallallo ya Wooneya wa Mweeri ni dda ehakallallo ddimodda moollikana ni mmo ddalembelliwiiwa m'malamuloni a Apwiya.

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”