Numeri 29:25 - Mawu a Mulluku

²⁵ Mumuvelleellettho nankhoro a epuri mmodda wi akhalle mukutho waweerella mutetho woopepesella machimwaanyu. Muvelleelle ddittheddenenndda woonjerera va mikutho dda nllapo ni nllapo, ddooshellelliha, dda othu ni dda yoowirya.

Numeri 29:25 ပူးပေါင်းရင်းမြစ်များ

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Aheberi 10:39

Koma hiyaano khanihiyoni athu ayo enahokollweella mutulli ni woonongeya koma niri athu ookhulupilila wi nivulluwe.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

2 Atesalonika 3:13

Nave nyuwaano, asinnihu ni arokorihu, muhitope vaweerani ddaphaama.

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

Agalatiya 2:5

Koma khanaawagonjenlle naari vang'ono wi yawoona ya othenga waphaama ekhalleve ni nyuwaano.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

Yohane 8:31

Vano Yesu aallota ni Ayuda alle yaakhulupilila mwa olliye wi, “Mwaasungaka mawaaka m'murimani mwanyu ndithu nyuwaano tti oohudderaakathi

Numeri 29:11

Mumuvelleellettho nankhoro a epuri mmodda wi akhalle mukutho woopepesella machimo woonjerera va mukutho mmodda woopepesella machimoolle navettho va mikutho dda nllapo ni nllapo, ddooshellelliha, dda othu ni dda yoowirya.”

Genesis 37:31

Sika asinne a Yosefaalle yahiipha epuri nave etthaveya mukanjo wa Yosefe munikhamenimmo.

Numeri 29:24

Muvelleellettho mukutho wa othu ni wa yoowirya va anankhoro a eng'ombe, va anankhoro a enkhosa ni va asaanankhosaalle moollikana ni echiwerengero ya enamannddo ni malangizwiiwa.

Numeri 29:26

“Va nllapo naneetthanu mwaavelleelle anankhoro a asaanaang'ombe atthanu ni asese, anankhoro a enkhosa piilli, anankhoro a asaanaankhosa khumi ni asese a muyakha mmodda, ddittheddene ddikhalle ddoohirakalla,