Numeri 29:17 - Mawu a Mulluku

¹⁷ “Va nllapo naneepiilli mwaavelleelle anankhoro a asaanaang'ombe khumi ni eelli, anankhoro a enkhosa piilli, anankhoro a asaanaankhosa khumi ni asese a muyakha mmodda, ddittheddene ddikhalle ddoohirakalla.

Numeri 29:17 ပူးပေါင်းရင်းမြစ်များ

Aheberi 8:13

Voollotani dda echipangano yanaanweeneella, Mulluku anallota wi yawaambeelle tti yoomalla mutteko nave erive ello yakhalla yoomalla mutteko nave yaahuwa eri vakhuviru omalla.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Hoseya 6:6

Vawi kinapaalla echikondi yoohisintheya ohiri mukuthove. Kinapaalla wi athu ekidduwelle miyaano Mulluku, ohiri mukuthove wooshellelliha.

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.

Masalimo 69:31

Ddenndda ddineeromuhakallalliha okhwaranya mukutho wa eng'ombe, nankhoro a eng'ombe a manyaka ni manyallo.

Masalimo 40:6

Khamwaapanlle mikutho ni ddoovelleella, koma mookivaha maaru wi kiiwellekena. Khamwaavekille mikutho ddooshellelliha, ni mikutho ddoopepesella machimo.

Numeri 29:13

Nave muvelleelle mukutho wooshellelliha, wawoosiwa viikho, wa nthuko nawaaddivella Apwiya. Nave okhalleke wa anankhoro a asaanaang'ombe khumi ni raru, anankhoro a enkhosa eelli, anankhoro a asaanaankhosa khumi ni sese a muyakha mmodda, ddittheddene ddikhalle ddoohirakalla.

Levitiko 23:36

Nllapo ni nllapo na mallapo matthanu ni meelli muvelleelleke mukutho wawoosiwa viikho wa Apwiya. Va nllapo naneetthanu ni raru mukhalleke ni mutthukumano woopatuleya ni ovelleellattho mukutho wawoosiwa viikho wa Apwiya. Yooyo tti mutthukumano muullupalli nave muhiphare mutteko.”

Eksodo 12:5

Mwaanaankhosa apaalle musaanaapuri akhalle ohirakalla, aamullopwana navettho a muyakha mmodda. Ttuuwora waatthoollattho anamwani a epuri.