Numeri 28:6 - Mawu a Mulluku

⁶ Olla sika mukutho wooshellelliha walamuliwe ni Apwiya va mwaango wa Sinai wi okhumihe nthuko nawaaddivella, mukutho wawoosiwa viikho, woovelleelliwa wa Apwiya.

Numeri 28:6 ပူးပေါင်းရင်းမြစ်များ

Amosi 5:25

“Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Ezekiele 46:14

Makilogaramu araru a othu avelleelliweke vamodda ni enameeyo. Evelleelliwekettho lita nimodda a makhura awoottowiwa mu othooyo. Mukutho woovelleelliwa wa Apwiyoolla okhalle lamulo wa enthawi yoohimalla.

Masalimo 50:8

Nginuuhumullullani ekaamba ya mikutho ddanyu, vawi munnavelleella mikutho ddanyu ddooshellelliha wa miyaano enthawi ettheene.

Ezara 3:4

Nave yaheera Ehakallallo ya Misasa moollikana ni mmo ddalembelliwiiwa nave yaavelleella mikutho ddooshellelliha ddoopaalleya va nllapo ni nllapo moollikana ni mmo ddalembelliwiiwa.

2 Epilli 31:3

Nave ddoovelleella dda mwene ovenyera o eyuumaaye ddaari mikutho ddooshellelliha dda ohinase dda misikuwa, dda masabata ni dda Ehakallallo ya Wooneya wa Mweeri ni dda ehakallallo ddimodda moollikana ni mmo ddalembelliwiiwa m'malamuloni a Apwiya.

2 Epilli 2:4

Kinapaalla wi kaamakelle enyumba Apwiya Mullukwaaka. Wenko moohihiyerera kineerekovelleella wa alliwa lubani* na nthuko naphaama, buledi oopatuleya ni mikutho ddooshellelliha ohinase ni misikuwa, va masabata, va mallapo a Ehakallallo ya Wooneya wa Mweeri ni mallapo mamodda aweella voothwarani malamulo a Israele wa enthawi yoohimalla.

Levitiko 6:9

aalleelle Aroni ni anaaye wi, “Malamulo a mukutho wooshellelliha tti awi, mukuthooyo okhalleke viikho vanikuwani mahiiyu mattheene ophiyera ohinase nave munllo wa vanikuwanooyo ohithiimihiwe.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 24:18

Mose aavollowa m'muraponimmo aphiya vaddullu va mwaango. Mose aakhalla wenko mallapo 40, otthaana ni mahiiyu.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

Numeri 28:5

Muvelleelleke ekilogaramu emodda ya othu waphaama woottakanyihera ni lita nimodda na makhura.

Numeri 28:7

Vamodda ni erive enkhosa, mukutho wayoowirya ekhalle lita nimodda. Vanipuroni noopatuleya mumwiithellekevo vinyo oowalli omuvelleella wa Apwiya.

Ezekiele 46:15

Sika mwaanaankhosa, othu ni makhura ddivelleelliweke orive ohinase wi ddikhalle mikutho ddooshellelliha enthawi ettheene.”

Levitiko 27:34

Yaalla tti malamulo ayo Apwiya yamulamulalliiwa Mose vamwaangoni wa Sinai wi aalleelle Aisraele.