Numeri 27:11 - Mawu a Mulluku

¹¹ Attiitthinnyaayo yaahikhalla ni asinniwa, nipuro nayenno omuvahe mbalaaye mmodda a mu nibanja naye nave ninaakhalle yoohallanaaye. Yaayo ekhalle malamulo ni malangizo wa Aisraele moollikana ni mmo Apwiya yamulamulelliiwa Mose.’ ”

Numeri 27:11 ပူးပေါင်းရင်းမြစ်များ

Numeri 35:29

“Yaalla ekhalle malamulo ni malangizo wa nyuwaano va mibado ddanyu ddittheddene orive weko munaakhallekeenyuwo.

Yeremiya 32:8

Wonanko mmo Apwiya yallotelliiwa, Hanamele musuwanaaka aakaaryeryella o nthato na alonda. Olliye aallota wi, ‘Kulla emataaka o Anatoti mu ellapo ya Benjamini vawi weyaano sika oophwanella wi woopolle wi ekhalle yoohallanaawo. Sika kaadduwella wi olla tti othenga wa Apwiya.

1 Samuele 30:25

Davide aalamula wi nikhalle lamulo nave ovenyera nllapo nenno Aisraele aakhalla enipharihaka mutteko.

Levitiko 25:49

Mwanamunniwa a attiitthinnya apaalle mwaana a mwanamunniwa a attiitthinnya apaalle arive mbalaaye, attheenaayo ttuumoopolla. Nave awiikullihooyo akhalla ni eyuuma, ttuuddoopolla.

Levitiko 25:25

“Muisraele mukhwaawo akhalla oohoowa nave akulliha emataaye mbalaayebalaaye ttuuwoopolla emateeyo.

Numeri 27:10

Akhalla wi khanna asinne, yoohallanaaye ekhalle ya asinniwa a attiitthinnya.