Numeri 26:53 - Mawu a Mulluku

⁵³ Waakawelle athu yaalla ellapo wi ekhalle wonanko yoohallaniiwa moollikana ni echiwerengerwiiwa.

Numeri 26:53 ပူးပေါင်းရင်းမြစ်များ

Yoswa 14:1

Nndda tti ellapo nnddo Aisraele yaakhenlliiwa mu ellapo ya Kanani nnddo mullupa mukutho Eleazara, Yoswa mwaana a Nuni, oohoollella a mabanja a malloko a Aisraele yaakawenlliiwa Aisraele.

Yoswa 11:23

Sika Yoswa ahaakha ellapo ettheene moollikana ni mawu mattheene Apwiya yamulamulalliiwa Mose. Vano Yoswa aakawa ellapo wa Aisraele wi ekhalle yoohallaniiwa, nirive nlloko echigawo yayiwa. Sika ellapo yahiithuuwa owana ekhoto.

Masalimo 105:44

Yahaavaha ellapo dda mitundu ddimodda dda athu, yaaweeriha wi yaakhe ezipaso dda mitteko dda athu amodda

Yawuupullulla 21:27

Nave khamuwa muvollowa ello yooheellihiwa m'muzindanimmo naari muthu aweera ddoonanara apaalle oollota ddawoottha. Yaayove manddiniiwa elembiwe mu nibukhu na akumi na mwaanaankhosa sika enaavollowe m'muzindanimmo.

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

Mateyu 5:5

Oodalisiwa tti athu ayo eri oomaalleya, vawi Mulluku aneerewaavaha ellapo yavatthi wi ekhalle yayiwa!

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Ezekiele 47:22

Muyikawe wi ekhalle yoohallanaanyu. Ekhallettho ya alleto ayo eri variyari vanyu, yaayarelle anamwani variyari vanyu. Alletwaayo eneerokhalla ni nyuwaano wonanko aneetthi a mu Israele. Eneerovahiwa yoohallaniiwa vamodda ni nyuwaano.

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

Genesis 12:7

Vano Apwiya yaamooneyella Abramu emulleella wi, “Ellapo yeella kineerovaha edduullu ddawo.” Sika va nipuro nenno Abramu ahaamakella nikuwa Apwiya ayo yamooneyelle.

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Numeri 26:52

Apwiya yaamulleella Mose wi,

Numeri 26:54

Nlloko nuullupalli onivahe yoohallana yuullupalli, nlloko ning'onong'ono onivahe yoohallana eng'onong'ono. Nirive nlloko onivahe yoohallana moollikana ni echiwerengerwiiwa.

Numeri 33:54

Muneerewaakhella ellapweeyo wi ekhalle yoohallanaanyu mwawoombesa moollikana ni mabanjaanyu. Nlloko nuullupalli naakhelle nipuro nuullupalli nave nlloko ning'onong'ono naakhelle nipuro ning'onong'ono. Muthu avahiweke nipuro nno woombesanko onaamumorelliiwa. Muneerewaakhella nipuro wi nikhalle yoohallanaanyu moollikana ni malloko a makhollwaanyu.

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

1 Epilli 16:18

Yaallota wi, “Kineerewuuvaha ellapo ya Kanani, wi ekhalle yoohallanaawo.”