Numeri 25:11 - Mawu a Mulluku

¹¹ “Finehasi mwaana a Eleazara, edduullu ya Aroni, ookihiiha wi kihiwoononge Aisraele ekaamba yawi khaakhullenlle wi arive muthu amullapelleke mulluku mmodda koma miyaano. Sika ekaambiiwa kahiwoonongilleemi kishille murima.

Numeri 25:11 ပူးပေါင်းရင်းမြစ်များ

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Deuteronomo 32:16

Yaamweeriha ehache ni milluku ddeelleto, ni ddaweera ddoonanara yaattatthamulla owallaaye.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

1 Akorinto 10:22

Apaalle ninapaalla wi niweerihe Apwiya ehache? Nnaganiza wi masivaahu tti ookhwaranya ayiwa?

Zefaniya 3:8

Apwiya enallota wi “Ekaamba ya yeella kitiyereni, mutiyere nllapo nno kinaawiipeemini mullatu vawi kooganiza ddootthukumaniha mitundu dda athu ni moomweniiwa mattheene wi kiwoonihelle onanariwa waka, yiiwe ovoreya wa owallaaka. Ellapo ettheene yavatthi eneeroosha ni munllo wa osha murima waka.”

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

1 Mamwene 14:22

Vano athu a o Yuda yaheera ddoonanara vamiitthoni va Apwiya okhwaranya mmo makhollwiiwa yachimwelliiwa, emushiha murima Mulluku.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Yohane 3:36

Oyo anamukhulupilila mwaana ookhalla ni okumi woohimalla koma oyo ahinamukhulupilila Mwaana khakhalla ni okumi nave Mulluku khahiya omullaka olliyooyo.

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Ezekiele 16:38

Kineeroweeruza wonanko aneeruzelliwa mutthiyana ooraruwa ni awiipha. Ekaamba ya ehachaaka kineerewuukhumiha nikhame moosha murima wunchichi.

Masalimo 106:30

Vano Finehasi aallakille oolakwa, mullilloolle waahiya.

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

2 Samuele 21:14

Vano ahaavittha makhuva a Saulo ni makhuva a Yonatani mwanayoolle mu ellapo ya Benjamini o Zela mu mahame a Kishi, attiitthinnya a Saulo moollikana ni ddittheddene nnddo alamulalleeye. Vatulli viwa Mulluku ahiiwa mavekello oovekellella ellapweeyo.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Eksodo 34:14

“Muhillapelleke milluku ddimodda, ekaamba yawi Apwiya ayo nnddina niwa tti Nahache, tti Mulluku eehache.

Eksodo 22:5

“Muthu aahiddipwatha eziweto ddaye nave ddavollowa m'matani mwa muthu mmodda, ddichamo mmiddo, mwaneena a eziwetonnddo ahokollose mmiddo waphaama wunchichi wa m'matani mwaye apaalle mpesaaye waphaama munchichi.

Numeri 25:10

Apwiya yaamulleella Mose wi,

Yoswa 22:13

Vano Aisraelaayo yaamuruma Finehasi, mwaana a mullupa mukutho Eleazara wa athu a nlloko na Rubeni ni na Gadi ni wa hafu a nlloko na Manase ayo yakhalla o ellapo ya Giliyadi.

Masalimo 106:31

Sika olliye aheerengelliwa wi tti oolungama o mibado ddittheddene wa enthawi yoohimalla.