Numeri 24:6 - Mawu a Mulluku

⁶ Ddiri wonanko matapo oorekama, wonanko emata dda mukhwipi mwa muhinje, wonanko ddoomella dda aloe* ddawaalliwa ni Apwiya, wonanko miteekho ddamukunguza mukhwipi mwa maaddi.

Numeri 24:6 ပူးပေါင်းရင်းမြစ်များ

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Masalimo 104:16

Miteekho dda Apwiya ddinnahellelliwa wunchichi, mikunguza dda o Lebanoni nnddo yaddanlliiwa.

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Ezekiele 47:12

Vakhwipi va muhinjooyo vaakhalla miteekho dda orive mutundu ddawimma ezipaso. Makatthiiwa khewa enyaalla nave ezipaso ddiwa khadduukunuwa. Ddineerewimma orive mweeri kaambiiwa maaddiiwa tti oovenyera o enyumba ya Apwiya. Athu eneerekoddicha nave makatthiiwa eneerekopharihiwa mutteko wonanko murete.’ ”

Yeremiya 31:12

Athu eneeroowa yiipaka mookhuwa va miyaango dda Ziyoni, eneerohakallalla wunchichi ekaamba ya ddaphaama ddinchichi ddoovenyera wa Apwiya. Ddaphaamanndda tti tirigu, vinyo anaanweene, makhura owaaka anamwanankhosa ni a asaanaang'ombe. Okumiiwa onaakhalle wonanko emata yoohellella, alliwa khewa emoriwa ethakaraka.

Yeremiya 17:18

Koma mwaawullihe muru ookihoosa, ohiri miyaano. Muwoopopihe alliwa, ohiri miyaano. Nllapo na otulli naamorelle nave muwoononge moohihiyerera.

Yesaya 41:19

Muchipululuni kineeromellihamo mukunguza, kesha, muchisu ni muteekho wa olivi. Mu ellapo yawumma kineerewaallamo miteekho dda paini dda mitundu miraru.

Nchipo na Solomoni 6:11

Kaakitthella o emata ya muteza wa alimondi, wi koone munyepu wa otapo, wi koone mipesa ddaarimi ddiphuwalle, ezipaso ddamakangaza ddaarimi ddittaphunlle malluwa.

Masalimo 45:8

Ddoowara ddanyu ddinnuunkhella makhura a mure,* a aloe* ni a kasiya, enyumba ddanyu ddoomwene tti ddoomakiwa ni manyaka a ethepo, mwemmo ddawiipa dda enthambo ddinnuuhakallallihani.

Genesis 13:10

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.

Numeri 24:5

Misasa ddawo tti ddooreera, Yakobo enyumba ddawo tti ddaphaama, Israele.