Numeri 24:18 - Mawu a Mulluku

¹⁸ Ellapo ya Edomu eneerewaakhiwa, mudani Seiri aneerogonjihiwa Koma Israele aneeropambana.

Numeri 24:18 ပူးပေါင်းရင်းမြစ်များ

Amosi 9:12

Enthawi yeeyo Aisraele oohalla eneerogonjiha ddoohalla dda o Edomu vamodda ni mitundu ddittheddene nnddo ddinadduwanyeya ni nnddina naka. Mi Apwiya koollota nave kineereweera killotilleeminndda.”

2 Samuele 8:14

Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Yesaya 63:1

“Ethiyo ttaani anavenyera o Edomu, awanre ddoofiira dda o Bozira? Ethiyo ttaani awanre ddoowara ddooreera, aneeta mookotella masivaaye?” Tti miyaano oollalleya echilungamo ni amasiva oovullusa.

Yesaya 34:5

Apwiya aakhoza nsupada niwa oddullu nave ninimakittha wi naallake Aedomu, athu ayo esimikizalliiwa wi ewoononge.

Masalimo 60:1

Nyu Mulluku moonitathilla, moonoonongella ooniteteza, moonillutuwella, nihokolloselleni mwakhalle.

Genesis 32:3

Vano Yakobo ahaarumiha amithengaaye wa Esau mwanamunne o Seiri, o ellapo ya Edomu.

Genesis 27:40

Muttekwaawo onaakhalle woowana ekhoto nave onaamurumeyelleke mwanamunno. Koma wawora wiittaphulla, oneerovenyamo mu olamulellwaaye.”

Numeri 20:18

Koma Aedomu yahaakhulla wi, “Muhinavirella wuno wi nihuuhomeni ni nsupada.”

Numeri 24:19

Mwa Yakobo muneerokhalla mwene, oyo anaawoononge oohalla m'muzindani.”

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Obadiya 1:2

Apwiya enallota ni Edomu wi, “Ngoona, kineerewuuyeviha variyari va mitundu dda athu, oneeronyaambusiwa wunchichi.

1 Mamwene 11:14

Sika Apwiya yaamweeriha Hadadi Muedomu, a nibanja noomwene na o Edomu wi amuwukile Solomoni.

1 Mamwene 11:15

Vawi khalle Davide aariiye mu Edomu, Yowabu, akhoto muullupalli aaya wenko wi aavuhelle Aisraele awiiphiwa. Nave aawiipha allopwana attheene a o Edomu