Numeri 24:17 - Mawu a Mulluku

¹⁷ Kinooneemi ddiri muhoollo, kinaweheemi ddiri woorekamella. Mwene aneerokhuma mwa Yakobo, wonanko etheneeri aneerokhuma mwa Israele. Aneerewaanyenya oohoollella a Amowabu eneerewaagonjiha athu a Seti.

Numeri 24:17 ပူးပေါင်းရင်းမြစ်များ

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

2 Petro 1:19

Sika ekaamba ya yeella ninnasimikiza wi othenga woollalleyiwa ni anamallotella tti wawoona. Mwathwara yoolla muneereweera phaama kaambiiwa tti wonanko enyali yoomolleella mu nipuro na epiphi ophiyera ohinase etheneeri ya thanda yawala m'mirimani mwanyu.

Zekariya 10:4

Mwa alliwa muneerokhuma oohoollella amasiva ookhalla wonanko nlluku noopaalleyesesa, ekhomo, apaalle muura wakhoto. Nave oolamulella attheene enaavenyereke mwa alliwa.

Masalimo 45:6

Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

1 Epilli 18:2

Nave ahaagonjihattho Amowabu ayo yatthattuwalle oorumeyellaaye nave yaanakhoma musonkho wa olliye.

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yeremiya 48:45

Oothawa enniimella va Heshiboni, ekaamba yootopa wunchichi. Koma mallumi amunllo a o Heshiboni, mallumi amunllo oovenyera o enyumba yoomwene Sihoni nave munllooyo onoononga miyaango dda o Mowabu, ellapo ya athu a maraapwa.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yesaya 15:1

Nngu sika ollotella wa dda Mowabu. Ekaamba yawi muzinda wa Ari wohoonongiwa mahiiyu mamodda, ellapo ya Mowabu yoomora. Navettho ekaamba yawi muzinda wa Kiri wohoonongiwa mahiiyu mamoddave ellapo ya Mowabu yoomora.

Masalimo 110:2

Apwiya eneerowunnuwiha omwenaawo wamasiva ovenyera o Ziyoni. “Khalla mwene owaalamulella adanaawo.”

2 Mamwene 3:5

Mwene Ahabu a Israele akhwille, Amowabu yahaawukila Aisraele.

1 Samuele 14:38

Vano Saulo aallota wi, “Waani wuno nyu munaahoollella athu. Noone wi tti ochimwa wawiidde weereyille ollello

Numeri 21:29

Otulli okhalle wa weyaano Mowabu, moonongeye nyu oomullapella Kemoshi. Wohaatthattusa anaaye aallopwana oothawathawa, anaaye aatthiyana akaporo a Sihoni, mwene a Aamori.

Aheberi 7:14

Tti ddoodduwanyeya phaama wi yayariwelle o nlloko na Yuda. Nave Mose khaaromonlle dda nlloko nenna ovenyera khalle voollotani dda allupa mukutho.

Numeri 24:16

Mawu a oyo aniiwa mawu a Mulluku Amasiva Mattheene, oyo anamoona Mulluku m'masomphenya, oyo aniikuha miitthwaaye eri ookhunuuwa.

2 Samuele 8:14

Vano aatthipella misasa ddakhoto virive veko mu ellapo ya Edomu. Mu Edomu mutthemwene mwaakhalla misasa ddakhoto, sika Aedomu attheene yaakhalla oomurumeyella Davide. Vano Apwiya yaanampambaniha Davide orive weko ayeeyewo.

Yeremiya 48:1

Voollotani dda Mowabu, Apwiya Amasiva Mattheene, Mulluku a Israele, eni, “Otulli muzinda wa Nebo, wootthattuwa echipululu. Kiriyataimu oowullihiwa muru, oogonjihiwa, mpandaaye woollipa aawunyaambusa ni aawukumulla,