Numeri 22:6 - Mawu a Mulluku

⁶ Vano waawoni mwaatembelele athwaalla munipuroni mwaka vawi tti amasiva onikhwaranya hiyaano. Apaalle miyaano ttuuwaagonjiha ni owiikariha mwiillaponi mwaka. Vawi kinnadduwella wi oyo munamudaliseenyu annadaliseya nave oyo munamutembelelenyu annatembeleleya.”

Numeri 22:6 ပူးပေါင်းရင်းမြစ်များ

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

Mitteko 16:16

Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

Ezekiele 13:6

Anamallotellaayo ennallotella ddawoottha nave ennoombesa ddawaahollosa. Ennallota wi, ‘Enallota tti Apwiya koma Apwiya ehimurumalle naari vang'ono.’ Koma enatiyera wi ddennddo ddineereweereya.

Nehemiya 13:2

Vallethi yaalla kheyaavahille Aisraele buledi ni maaddi. Munipuroni mwiwa, yamurumalle Balamu wi aatembelele komave Mullukwaahu aarukunusa matembelelo okhalla madaliso.”

1 Mamwene 22:13

Amithenga olle ayiille woomwiithana Mikaya aamulleella wi, “Ngoonani, enallota anamallotella attheene enaallotella amwene ddaphaama. Sika nanyeenettho mullotelle emoddamoddave. Mullotelleke ddaphaama.”

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

1 Mamwene 22:6

Vano mwene Ahabu ahaatthukumaniha anamallotellaaye 400 aakoha wi, “Ethiyo kiye kawane ekhoto ni Ramoti Giliyadi apaalle kihiyeewo?” Anamallotellaayo yaamulleella wi, “Khaweni vawi Apwiya eneerowuvelleella muzindooyo m'mattani mwanyu.”

1 Samuele 17:43

Vano Mufilistooyo aamukoha Davidooyo wi, “Onawa ni ekopo ethiyo miyaano onakeesa mwanapwa?” Vano ahaamba omutembelela Davidooyo vooromollani milluku ddaye

Deuteronomo 23:4

Alliwaalla kheyuuvahilleni yoocha apaalle maaddi va olendwaanyu woovenyera o Iguputo. Nave yaamwiithaniha Balamu, mwaana a Beori, a o Petori o Mesopotamiya wi uutembeleleni.

Numeri 22:17

Ddawoona, kineerewuuriihani wunchichi nave erive ello eyo munaakilleelleenyu, kineereweera. Waawoni mwaatembelele athwaalla munipuroni mwaka.’ ”

Numeri 22:12

Vano Mulluku aamulleella Balamu wi, “Ohinathaananana nave ohaatembelele athwaayo kaambiiwa tti oodalisiwa.”

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 12:3

Kineerewaadalisa attheene enuudalisa weyaano, koma kineeromutembelela arive muthu anuutembelela weyaano. Oweella mwa weyaano mitundu ddittheddene dda va ellapo yavatthi ddineerodalisiwa.”

Miyambo 26:2

Wonanko emphera yaawaapheellaka apaalle neenkhaare aavavaka emoddamoddave yeeyo tembelelo khaninammorella muthu oohiphwanellella.

Masalimo 109:28

Alliwa etembelele koma nyuwaano mukidalise, ookillika mwaawullihe muru koma mi oorumeyellaanyu kihakallalle.

Yoswa 24:9

Vano Balaki, mwaana a Zipori, mwene a Amowabu aawana ni nyu Aisraele. Aarumiha othenga amwiithana Balamu mwaana a Beori wi uutembeleleni.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Numeri 23:13

Balaki aamulleella Balamu wi, “Hankoni nithaanane onipuroni nko munaaworeenyu woona embali emodda ya misasa ddinchichi dda Aisraele. Vano ovenyera vaavo mwaatembelele munipuroni mwaka.”

Numeri 23:27

Balaki aamulleella Balamu wi, “Hankoni nithaanane onipuroni nimodda apaalle ddineeromuhakallalliha Mulluku wi mwaatembelele ovenyera vaavo.”