Numeri 21:7 - Mawu a Mulluku

⁷ Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

Numeri 21:7 ပူးပေါင်းရင်းမြစ်များ

Mitteko 8:24

Simoni aallota wa Petro ni Yohane wi, “Kivekellelleni wa Apwiya wi ehikhallevo ello emodda ya ddeko ddenndda mullotilleenyunndda enaakeereyelle.”

Masalimo 78:34

Aawiiphaka amodda oohalla yaanamwaashaasha, yaanahokollowa enamwaashaasha Mulluku ni murimiiwa muttheene.

Numeri 11:2

Sika athu yahinllella wa Mose nave olliye aavekella wa Apwiya, enthawi yeeyo munllo waathiima.

Eksodo 8:8

Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”

1 Mamwene 13:6

Mwene Yerobowamu aamulleella muthooyo wi, “Muvekelle wa Apwiya Mullukwaanyu wi achirihe nnatta nakanna.” Vano muthooyo aavekella wa Apwiya nave nnattanne naahokollweella mwakhalle.

Eksodo 8:28

Farao aallota wi, “Kineerowaakhullellani wi muye mwavelleelle mukutho wa Apwiya Mullukwaanyu muchipululuni koma muhirekamellesese nave mwakivekellelle.”

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Aroma 10:1

Asinnaka ni arokoraka, kinnapaalla ni murimaaka muttheene nave kinnavekella wi athwaaka evullusiwe.

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Yeremiya 37:3

Vano mwene Zedekiya aamuruma Yehukala mwaana a Shelemiya ni mullupa mukutho Zefaniya mwaana a Maaseiya wa namallotella wi amulleelle wi, “Munivekelle wa Apwiya Mullukwaahu.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Masalimo 106:23

Sika ekaambiiwa aalleelleeye wi aweerewoononga, Mose ootthoolliwaaye ahimmenlleke vamiitthoni vaye ni ohiiha osha murima waye wi ahiiwoononge.

Yobu 42:10

Sika Yobu aavekellelle akhwaayaalle, Apwiya yaamuhokollosella eyuumaaye. Yahaatiha opiilli nnddo aariiyena khalle.

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

1 Samuele 15:30

Vano Saulo aallota wi, “Mi koochimwa komave mukivahe olemu vamiitthoni va owaahoollella athwaaka ni vamiitthoni va Aisraele attheene nave mwaarowaka nithaanane wi kaallapelle Apwiya Mullukwaanyu.”

1 Samuele 15:24

Saulo aamulleella Samuele wi, “Koochimwa, ngaawiiwellelle Apwiya ni nyuwaano vawi kawoova athu ni owiiwellella alliwaayo.

Deuteronomo 9:20

Apwiya yaamushellattho murima Aroni vawi yahanlle vang'ono omwiipha koma kaamuvekellattho enthawi yeeyo.

Eksodo 32:30

Osaka wene Mose ahaalleella athu wi, “Nyu mwaachimwa wunchichi. Koma vano kineerooya wa Apwiya omwaangoni nave kuuvekellellani apaalle eneerewuukhululukellani machimwaanyu.”

Eksodo 32:11

Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva?

Genesis 20:7

Koma vano, omuvelleelle mutthiyanoolla wa mamune. Mullopwanooyo tti namallotella nave aneerewuuvekellella wi ohikhwe. Koma waahimuvelleella, ddawoona, kinimuuchenjezeraatu wi onimakhwa weyaano ni nibanja nawo nittheene.”

Genesis 20:17

Ekaamba ya Sara mwaara Abrahamu, Apwiya yaamumaka mwaara Abimeleki ni atthiyana attheene a munibanjani naye wi ehiyareke. Sika Abrahamu aamuvekella Abimeleki nave Mulluku aamuchiriha Abimelekooyo ni mwaariye vamoddattho ni awariye ang'onong'ono attheene wi yaayareke anamwani.

2 Mamwene 13:4

Vano Yehowahazi aavekella wa Apwiya nave yaamwiiwella vawi yahoona ohoosiwa wa Aisraele nko mwene a o Siriya aweerelleeye.

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Eksodo 8:4

Eneerekewuulluphella ni athwaawo ni enduna ddawo ddittheddene.’ ”

Eksodo 10:17

Koma vano pepaani, mukikhululukelle va enthawi yeellave nave muvekelle wa Apwiya Mullukwaanyu wi ekivenyihelle ollaka wawoopihanngu.”