Numeri 20:8 - Mawu a Mulluku

⁸ “Kusa ekopwaawo nave weyaano ni mwanamunno Aroni mwaatthukumanihe athu. Vano olamule nlluku wi nikhumihe maaddi, athwaayo yoonaka. Vano oneerewaakhumihella maaddi nave oneerewaawiryiha athwaayo ni eziweto ddiwa.”

Numeri 20:8 ပူးပေါင်းရင်းမြစ်များ

Eksodo 4:17

Okuse ekopo eri m'mattani mwaweeyo nave wapharihe mutteko vaweerani ezizindikiro ddoottikhiniha.”

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Yesaya 43:20

Enama ddamuhakani ddineerokiriiha, akhatwe ni anthiwatiwa eneerokititimiha, kaambiiwa kineereweetiha maaddi muchipululuni, mihinje mu ellapo yawumma wi kaavahe maaddi athwaaka ootthoolliwa.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Mitteko 1:14

Yaanavekella wiilliwiilli ni murimiiwa muttheene moowiiwanana, vamodda ni atthiyana ni Mariya amennya a Yesu navettho asinne a Yesu.

Yohane 16:24

Ophiyera vano khamuvekille erive ello mu nnddina naka, sika vano vekani nave muneerewaakhella wi muhakallalle murimaanyu muttheene.

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

Yesaya 48:21

Yaahoollelliiwa athwiiwa mu echipululu, alliwa kheyaavolliwalle nthona, yahaavaha maaddi ookhuma vanllukuni, yaatthalla nllukunno nave mwaakhuma maaddi.

Masalimo 114:8

Olliye annatthattusa nlluku okhalla nthiya, nlluku noollipa okhalla aneetuutu.

Masalimo 105:41

Yaahulla nlluku maaddi ekhuma, yaheeta muchipululuni wonanko muhinje.

Masalimo 33:9

Vawi alliwa yaallota nave ddaheereya, yaalamula nave ddahooneya.

Nehemiya 9:15

Yavolliwiiwa ettalla, mwahaavaha buledi ovenyera oddullu yaariiwa ni nthona mwahaavaha maaddi ovenyera munllukuni Mwahaalleella wi yaakhe ellapo eyo mwalonjezilleenyu wi muneerewaavaha.

Yoswa 6:20

Sika allupa mukutho yahiipattho mapallapataalle. Athu yiiwalle, yaakhuwa wunchichi nave esiri ya muzindooyo yaakumuwa. Vano akhoto attheene yaawa evollowa m'muzindanimmo, yaakha muzindooyo.

Yoswa 6:5

Vano yaawiipaka nipallapata na nnyaka nankhosa moohimaalliha ni mwamasiva nave athu yiiwa wiipa wa nipallapata, ekhuwe moollipiha nave esiri ya muzindooyo eneerokumuwa. Vaavo akhotwaawo attheene evollowa m'muzindanimmo.”

Numeri 21:18

Ehime eyo yakatille mamwene, eyottho yakatiwe ni oohoollella oovuwa. Yakatille ni ekopo ddiwa ddoomwene navettho ni mitooto ddiwa.” Ovenyera ochipululuninko Aisraele yaaya o Matana.

Numeri 21:15

ohito wa ntapo ophiya o Ari, o malire a ellapo ya Mowabu.”

Numeri 20:11

Vano Mose aatukhulla nnatta naye avadda nlluku olendo wiilli ni ekopwaaye. Nave mwaakhuma maaddi manchichi nave athu attheene vamodda ni eziweto ddiwa yaawirya.

Eksodo 17:9

Mose aamulleella Yoswa wi, “Nitthoollelle allopwana amodda, osiisello muye mwawane ekhoto ni Aamaleke. Miyaano kineerewiimella vaddullu va mwaango, kiphareelle ekopo ya Mulluku.”

Eksodo 14:16

Tukhullella ekopwaaweeyo muddullu nave oyitthoonyihelle vanyanjani nave maaddi eneerokawaneya wi Aisraele ellapuwe vawumma.

Eksodo 7:20

Sika Mose ni Aroni yaheera moollikana ni mmo Apwiya yaalamulalliiwa. Aroni aakusa ekopwaaye awashullana maaddi a m'muhinjeni vamiitthoni va Farao ni enduna ddaye nave maaddi mattheenaayo yaatthattuwa nikhame.

Eksodo 4:20

Sika Mose aamukusa mwaariye ni anaaye, aawelliha vabuluni eya o Iguputo. Mose aakusa ekopo ya Mullukweelle m'mattani mwaye.

Eksodo 4:2

Apwiya yaamukoha Mosooyo wi, “Ethiyo eri m'mattani mwaweeyo tti tini?” Mose ahaakhulla wi, “Ekopo.”

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

Numeri 20:7

Vano Apwiya yaamulleella Mose wi,