Numeri 20:21 - Mawu a Mulluku

²¹ Sika Edomu aakhoota wi Aisraele evirelle echigawiiwa. Vano Aisraele yaavirella ettilla emodda.

Numeri 20:21 ပူးပေါင်းရင်းမြစ်များ

Oweeruza 11:18

Vano Aisraele yaatimulla olendwiiwa oweella muchipululuni yaapheella ellapo ya Edomu ni ellapo ya Mowabu yaphiya wookhuma nndduwa wa muhinje wa Arinoni. Nave yaatthipella misasa ddiwa vaavo nave kheyaavollowille mu ellapo ya Mowabu vawi muhinje wa Arinoni waari malire a ellapo ya Mowabu.

Deuteronomo 2:29

wi nillapuwe muhinje wa Yordani ni ophiya o ellapo eyo Apwiya Mullukwaahu enanivahiiwa. Edduullu dda Esau dda o Edomu ni Amowabu a o Ari yaanaakhullella ovirella mwiillaponi mwiwa.’

Oweeruza 11:24

Khallani mu ellapo eyo Kemoshi mullukwaanyu uuvahilleeyeni wi ekhalle yoohallanaanyu. Vano attheene ayo Apwiya Mullukwaahu ewiikarilliiwa vamiitthoni vahu, ddayiwa ddineerokhalla yoohallanaahu.

Deuteronomo 23:7

“Muhaavevulleke Aedomu vawi alliwa tti abalaanyu. Muhaavevullekettho Aiguputo vawi khalle mwaakhalla mu ellapwiiwa.

Deuteronomo 2:27

‘Munaakhullelle wi niweelle mwiillaponi mwanyu vawi ninaathware musewuve oohihapuwella orive weko.

Numeri 21:23

Koma Sihoni khaawaakhullelle wi Aisraele evirelle mwiillaponi mwaye. Ahaatthukumaniha athwaaye attheene, eya wi yawane ni Aisraele ochipululuni. Nave yaaphiya o Yahazi ewana ni Aisraele.

Oweeruza 11:17

Enthawi yeeyo Aisraele yaarumiha othenga wa mwene a o Edomu emulleella wi, ‘Pepaani munaakhullelle wi niweelle mu ellapwaanyu.’ Koma mwene a o Edomu khaapaallille wiiwa ddennddo. Aarumiha othenga mmodda wa mwene a o Mowabu, olliyettho khaawaakhullenlle ddennddo. Sika Aisraele yaakhalla o Kadeshi.

Numeri 21:4

Aisraele yaatimullawo o mwaango wa Horo eweella mu ettilla ya mukhwipi mwa Enyanja Yoofiira, waapheella ellapo ya Edomu. Koma eri muttilla yahaamba onyoonyiwa.

2 Epilli 20:10

Vano ngoonani, athu a o Amoni, Mowabu ni mwaango wa Seiri ayo mwahiwaakhullelleenyu Aisraele wi yawanena ekhoto ekhumalle o Iguputo nave yahaahiya ehiwoononga.