Numeri 19:21 - Mawu a Mulluku

²¹ Nenno nikhalle lamulo wa enthawi yoohimalla wa alliwaayo. “Muthu oyo anamidda maaddi aweellihella achape ddoowara ddaye. Nave muthu oyo anattannya maaddi aweellihella aneerokhalla ooripihiwa ophiyera misikuwa.

Numeri 19:21 ပူးပေါင်းရင်းမြစ်များ

Aheberi 10:4

Vawi nikhame na eng'ombe ni na epuri khaniwora ohuwa machimwiiwa.

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

Levitiko 11:40

Nave muthu acha enameeyo achape ddoowara ddaye koma akhalle ooripihiwave ophiyera misikuwa. Nayeenettho oyo anaatukhulle enama yookhweeyo achape ddoowara ddaye koma aneerokhalla ooripihiwa ophiyera misikuwa.

Levitiko 11:25

Arive muthu atukhulla erive echiwalo ya enama ddookhwannddo, achape ddoowara ddaye komave aneerokhalla ooripihiwa ophiyera misikuwa.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Numeri 19:7

Vano mullupa mukutho achape ddoowara ddaye nave ahape. Vatulli viwa avollowe m'misasani koma akhalle ooripihiwa ophiyera misikuwa.

Numeri 18:23

Koma Alevi sika enaarumeyelleke mu musasa wamutthukumano nave eneerewiireya machimwiiwa. Nenno nikhalle lamulo wa enthawi yoohimalla wa mibado ddiwa ddittheddene. Alevi ehikhalle ni yoohallana variyari va Aisraele attheene.

Numeri 19:8

Muthu oyo anoosa eng'ombeeyo achape ddoowara ddaye, ahape mwiilli muttheene koma akhalle ooripihiwa ophiyera misikuwa.

Numeri 19:10

Muthu oyo anawolla ntuura achape ddoowara ddaye koma akhalla ooripihiwa ophiyera misikuwa. Nenno nikhalle lamulo wa enthawi yoohimalla wa aneetthi apaalle wa alleto.”