Numeri 19:13 - Mawu a Mulluku

¹³ Oyo anaattannye mutembo nave aahiddeelliha, muthu yooyo anaripiha musasa wa Apwiya, sika aneerovenyihiwa variyari va Aisraele. Aneerokhallave ooripihiwa ekaamba yawi khamiddiwe maaddi aweellihella.

Numeri 19:13 ပူးပေါင်းရင်းမြစ်များ

Levitiko 15:31

“Sika mwaachenjeze Aisraele dda oripihiwa wiwa wi ehikhwe ekaamba yaweera machimo ooripiha musasaaka oyo ori variyari vanyu.”

Levitiko 22:3

Arive muthu mwa edduullu ddanyu dda mibado ddittheddene, asusera va ddoopatuleya nnddo Aisraele yavelleelliiwa wa Apwiya ari ooripihiwa avenyihiwe vamiitthoni vaka. Mi tti Apwiya.

Levitiko 7:20

Koma oyo aripihiwe ayicha enameeyo, avenyihiwe variyari va Aisraele.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Numeri 19:20

“Koma muthu ooripihiwooyo aahiddeelliha avenyihiwe variyari va Aisraele vawi ooripiha nipuro noopatuleya na Apwiya. Olliye tti ooripihiwa ekaamba yawi khemmiddalle maaddi aweellihella.

Numeri 19:18

Vano muthu oohiripihiwa akuse nikukhu na hisope nave aruweye m'maaddini mulle amidde maaddaayo vamusasani, va ezipangizo ddaye ddittheddene, va athu ayo yaari mwemmo nave va muthu oyo aattannyille nikhuva na muthu ookhwa apaalle muthu iiphiwe apaalle muthu ookhwa yeekha apaallettho nihame.

Numeri 19:9

Muthu oyo ari oohiripihiwa sika anaawolle ntuura na eng'ombeeyo nave anihiye otte wa musasa va nipuro noopatuleya. Esungelle ntuuranno Aisraele wi ephariheke mutteko m'maaddini aweellihella. Mutetho yoolla tti woovenyihella machimo.

Numeri 15:30

“Koma muthu oyo anachimwa mwaphudda, khaya tti Muisraele apaalle mulleto, ohaavevulla Apwiya nave muthooyo avenyihiwe variyari va Aisraele akhwaaye.

Numeri 8:7

Mmu tti sika onaaweellihellekeewe. Waamidde maaddi aweellihella machimwiiwa. Echeme mwiilli muttheene nave echape ddoowara ddiwa wi eddeellihe.

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Levitiko 5:17

“Muthu achimwa vaweerani moohidduwella ello yoovaanyihiwa ni malamulo a Apwiya, muthu yooyo oochimwa nave tti oophwanella ollakiwa.

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 5:3

Muthu attannya orive mutundu wa ddooripihiwa dda muthu nave voottannyanimvo anniiripiha moohidduwella, vatulli viwa adduwella nnddo eerilleeye, muthooyo tti oochimwa.

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

Levitiko 7:21

Nave arive muthu attannya erive ello yooripihiwa, khaya ya muthu apaalle ya enama apaallettho erive ello yooripihiwa nave achana yoocha ya mukutho wa eyaattano woovelleelliwa wa Apwiya, muthooyo avenyihiwe variyari va Aisraele.”

Numeri 19:14

“Muthu akhwella m'musasani, lamulo tti nawi arive muthu anaavollowe m'musasanimmo nave arive muthu oyo ari m'musasanimmo aneerokhalla ooripihiwa wa mallapo matthanu ni meelli.

Numeri 19:19

Muthu oohiripihiwoolle amumidde maaddi muthu ooripihiwooyo va nllapo na naneeraru ni va nllapo naneetthanu ni piilli. Nave ooripihiwooyo achape ddoowara ddaye, ahape nave misikuwa aneerokhalla aweellihiwa.

Ezekiele 44:26

Akhalla wi ooripihiwa nave oheellihiwa, atiyere mallapo matthanu ni meelli wi akhalle aweellesesa.

Eksodo 30:33

Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Levitiko 22:4

Arive muthu mwa edduullu ddawo oyo ari ni makate apaalle oyo anakhumiha ddooripihiwa m'mwiillini mwaye ahichena ddoopatuleya ophiyera eellihiwe. Mullupa mukutho tti ooripihiwa attannya ello ettannyiwe ni ello yookhwa, atathillella vatthi ellopwana,

Numeri 9:13

Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.