Numeri 18:7 - Mawu a Mulluku

⁷ Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Numeri 18:7 ပူးပေါင်းရင်းမြစ်များ

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Numeri 3:10

Omutthoolle Aroni ni anaaye wi ekhalle allupa mukutho. Koma arive muthu anaawaatamelle musasa wamutthukumano iiphiwe.”

Numeri 18:20

Nave Apwiya yaamulleella Aroni wi, “We khokawelliwa yaawoyaawo mwiillaponi mwawo nave khokhallanattho yoohallana variyari viwa. Miyaano sika kiri yookawelliwa yaawoyaawo ni yoohallanaawo variyari va Israele.

Numeri 16:40

wi ddikhalle yawuupusella ya Aisraele. Nave wi arive muthu oyo ahiri mullupa mukutho, oyo ahiri mmodda mwa edduullu dda Aroni, ahaatamelle wi athuwihe lubani vamiitthoni va Apwiya wi ddihimmorelle ddoophwanaphwana ni nnddo ddammorenlle Kora ni mullokwaaye. Ddittheddene ddaheereya moollikana ni mmo Apwiya yamulleellelliiwa Eleazara oweella mwa Mose.

Aheberi 5:4

Khaavo aniivaha olemu yeekhaaye vawiitthoollani wi akhalle mullupa mukutho muullupalli. Koma Mulluku sika anamutthoolla mullupa mukutho, wonanko mmo amutthoollelleeye Aroni.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.

Numeri 3:38

Mose ni Aroni ni anaaye sika yatthipella misasa ddiwa owiitthoni wa musasa wamutthukumano, wookhuma nndduwa. Alliwa yaanarumeyella mu nipuro noopatuleya, munipuroni mwa Aisraele. Koma arive muthu anaawaatamelle musasa wamutthukumano aaniiphiwa.

Numeri 1:51

Athu yaatimullaka Alevi sika enaawutulleke musasa wamutthukumanooyo nave athu yaawiimellaka, Alevaayo sika enaatthipelleke musasa wamutthukumanooyo. Arive muthu oyo anaawaatamelle iiphiweke.

Levitiko 16:2

Apwiya yaallota ni Mose wi, “Omulleelle mwanamunno Aroni wi ahivolloweke erive enthawi onipuroni naweellesesa ntthella na ekatani vamiitthoni va yookhuneella ya nibokosi na echipangano wi ahikhwe kaambiiwa miyaano kineerekewooneyella m'muraponi vaddullu va yookhuneelleeyo.

Eksodo 29:9

Nave waamakellettho laamba muyuununi mwiwa ni waawarihattho enduwira omuruni mwawi alliwaalla eneerokhalla allupa mukuthwaaka moollikana ni lamulo wa enthawi yoohimalla. Mmu sika onaamuzozelleewe Aroni ni anaaye.

Mateyu 10:8

Mwaachiriheke oovoriiwa, mwaavenyiheke athu ookhwa, mwaweelliheke athu amakate navettho mwakhumiheke minepa ddoonanara. Mwahaakhella moohillivella nanyeenettho mwaavaheke moohillivelliwa.

1 Petro 5:2

muwehereke phaama mpingo wa Mulluku wonanko mbusa anachihelleeye mulloko wa enkhosa. Woohikhalla moowatiheriwa koma moopaalla. Pharani muttekwaanyu ohiri ekaamba yookonda makobiri koma ekaamba ya murima woopaalla ophara mutteko.

1 Petro 5:3

Muhaalamuleke mwawiitukhulla ayo muvahiweenyu wi mwaawehereke koma mukhalleke echisanzo ya mulloko yooyo.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Numeri 18:3

Alliwaayo eneerekewuukavihera nave eneerekophara mitteko ddittheddene dda m'musasani. Koma ehaatamelle ezipangizo dda mu nipuro noopatuleya apaalle nikuwa wi alliwaayo ni weyaano muhikhwe.

Deuteronomo 18:2

Ehikhalleke ni yoohallana wonanko malloko ddimodda vawi Apwiya sika yoohallaniiwa moollikana ni mmo yaalonjezelliiwa.

Yoswa 18:7

Alevive sika ehinaakhellena echigawo ya ellapweeyo wi ekhalle yoohallaniiwa vawi echigawiiwa tti omullupa mukutho wa Apwiya. Nlloko na Gadi, na Rubeni ni hafu a nlloko na Manase yahaakhella khalle echigawiiwa okhopella wa muhinje wa Yordani, wookhuma nndduwa. Mose, oorumeyella a Apwiya sika aavahille.”

Ezekiele 44:8

Munipuroni mwawi nyuwaano mupwatheke ddeko ddaka ddoopatuleya, mwaatthoollille alletwaalla wi ewehereke.’

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Ezekiele 44:16

Yaayove sika enaavolloweke o nipuro naka naweella ni omwaatamella tebulwaaka wi ekirumeyelleke. Alliwa sika enaapwatheke ddeko ddaka.

Levitiko 7:35

Yeeyo tti embali ya Aroni ni anaaye, yoovahulla va mikutho dda Apwiya ddawoosiwa viikho, va nllapo nno alliwa yatthoolliwiiwa wi ekhalle mullupa mukutho owaarumeyella Apwiya.

Masalimo 115:10

We nibanja na Aroni aroromelle Apwiya, Apwiya sika awuukaviheraawo ni awuutetezaawo.