Numeri 18:23 - Mawu a Mulluku

²³ Koma Alevi sika enaarumeyelleke mu musasa wamutthukumano nave eneerewiireya machimwiiwa. Nenno nikhalle lamulo wa enthawi yoohimalla wa mibado ddiwa ddittheddene. Alevi ehikhalle ni yoohallana variyari va Aisraele attheene.

Numeri 18:23 ပူးပေါင်းရင်းမြစ်များ

Numeri 3:7

Emukavihereke olliye navettho athu attheene voorumeyellani mu musasa wamutthukumano.

Numeri 18:20

Nave Apwiya yaamulleella Aroni wi, “We khokawelliwa yaawoyaawo mwiillaponi mwawo nave khokhallanattho yoohallana variyari viwa. Miyaano sika kiri yookawelliwa yaawoyaawo ni yoohallanaawo variyari va Israele.

Numeri 18:1

Vatulli viwa Apwiya yaamulleella Aroni wi, “We, anaawo ni nibanja na makhollwaawo sika munaawiireye ddoolakweya dda musasa wa mutthukumano. Nave weyaano ni anaawo sika munaawiireye ddirive ddoolakweya dda omullupa mukutho.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Numeri 26:62

Echiwerengero ya Alevi ovenyera mweeri mmodda oya muhoollo yaari 23,000. Alliwaayo kheyaaweerengelliwe nimodda ni Aisraele amodda kaambiiwa kheyaavahiwe nipuro wi nikhalle yoohallaniiwa variyari va Aisraele.

Ezekiele 44:10

“Vano Alevi ayo yakihiyalle woorekama wa enthawi eyo Aisraele yahollowilliiwa voollapellani mafano, eneerollakiwa ekaamba ya machimwiiwa.

Numeri 19:21

Nenno nikhalle lamulo wa enthawi yoohimalla wa alliwaayo. “Muthu oyo anamidda maaddi aweellihella achape ddoowara ddaye. Nave muthu oyo anattannya maaddi aweellihella aneerokhalla ooripihiwa ophiyera misikuwa.

Numeri 35:29

“Yaalla ekhalle malamulo ni malangizo wa nyuwaano va mibado ddanyu ddittheddene orive weko munaakhallekeenyuwo.

Deuteronomo 10:9

Ella sika ekaambiiwa nlloko na Levi khenaakhellille yoohallana wonanko yeerelle malloko mamoddaalle. Apwiya sika yoohallaniiwa moollikana ni mmo Apwiya Mullukwaanyu yaalonjezelliiwa.)

Yoswa 13:14

Koma Mose khaawaavahille yoohallaniiwa athu a nlloko na Levi. Yoohallaniiwa ya Apwiya Mulluku yaari echigawo ya ddoovelleella dda mukutho wawoosa viikho moollikana ni mmo Apwiya yamulleellelliiwa.