Numeri 18:11 - Mawu a Mulluku

¹¹ “Ddimoddattho ddaanyu tti ddoovelleella dda emphaso owaaka ddoovelleella ddootukhullella muddullu wa Apwiya dda Aisraele. Ddenndda kohuuvaha, anaawo aallopwana ni aatthiyana wi ddikhalle ddaanyu wa enthawi yoohimalla. Arive muthu mu nibanja nawo oyo ahiripihiwe ttuucha.

Numeri 18:11 ပူးပေါင်းရင်းမြစ်များ

Deuteronomo 18:3

Nave ddoophwanella waakhella allupa mukutho ovenyera wa athu ayo enavelleella eng'ombe apaalle enkhosa tti enama ya mweto wamuhoollo, ya m'maramani ni nihu.

Levitiko 10:14

Koma ekhakadda yoovelleella mootukhullella muddullu ni mweto wamutulli woovelleelliwa, muddichelle vanipuroni noopatuleya weyaano ni anaawo aallopwana ni aatthiyaneene ayo eri ni weyaano. Ddenndda ddoovahiwa wa weyaano wi ddikhalle ddaawo ni anaawo ovenyera va mikutho ddeeyaattano nnddo ddivelleelliwe ni Aisraele.

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Levitiko 7:14

Vatulli viwa akusewo mwitthi mmodda va orive mutundu wa buledi wi okhalle yoovelleella yoopatuleya yoovelleella wa Apwiya. Mwitthi yooyo tti wa mullupa mukutho oyo anaawiithe moowaapheella nikuwa, nikhame na mukutho wa eyaattano.

Numeri 18:1

Vatulli viwa Apwiya yaamulleella Aroni wi, “We, anaawo ni nibanja na makhollwaawo sika munaawiireye ddoolakweya dda musasa wa mutthukumano. Nave weyaano ni anaawo sika munaawiireye ddirive ddoolakweya dda omullupa mukutho.

Numeri 18:10

Muddichelleke o nipuro noopatuleya. Arive mullopwana ttuuchana. Ddenndda ddikhalle ddaweellihiwa wa nyuwaano.

Numeri 18:19

“Ddoovelleella ddoopatuleya ddittheddene nnddo Aisraele enaddivelleelliiwa wa Apwiya kohuuvaha weyaano, anaawo aallopwana ni anaawo aatthiyana ayo eri ni weyaano. Ddennddo ddikhalle ddaawo. Yeella sika echipangano ya wa enthawi yoohimalla variyari va mi Apwiya ni weyaano ni edduullu ddawo.”