Numeri 16:9 - Mawu a Mulluku

⁹ Ethiyo khadduukwakhwanelleni ddawi Mulluku a Israele ahuupatulani mu mulloko wa Aisraele wi muwe vakhuviru ni Apwiya wi mumurumeyelle o musasaaye wi muwiimellelleke ni waakavihera athu?

Numeri 16:9 ပူးပေါင်းရင်းမြစ်များ

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Deuteronomo 10:8

Enthawi yeeyo Apwiya yahaatthoolla athu a nlloko na Levi wi etukhulleke nibokosi na echipangano, ekhalleke vamiitthoni va Apwiya ni orumeyella navettho wi yaadaliseke athu mu nnddina na Apwiya. Alliwa sika eneera ddenndda ophiyera ollello.

Nehemiya 12:44

Nllapo nenno waatthoolliwa athu oolamulella ezipinda ddoosungellamo ddeko o enyumba ya Mulluku wonanko ddoovelleella, ezipaso ddawaamba ni ddaneekhumi. Athwaayo yaatthukumaniha ddoovelleella ovenyera mu emata ddawaapheella mizinda wi ekhalle echigawo ya allupa mukutho ni Alevi moollikana ni malamulo. Vawi Ayuda attheene yaahakallalla ni allupa mukutho ni Alevi yarumeyellaayo.

1 Samuele 18:23

Enduna dda Saulo ddaamulleella Davide mawu yaalla. Koma olliye aallota wi, “Ethiyo muneesa mattheella okhalla mukamwene a amwene? Khamunoona wi miyaano kiri oohoowa ni oohivuwa?”

Numeri 16:13

Ethiyo ddohuuyevellani ddawi mwaanikhumiha mu ellapo yoohirama ddoocha wi nikhwelle muchipululunimmu? Ethiyo munapaalla wi mukhallettho mwenaahu oonilamulella?

Numeri 3:6

“Oweena wuno athu a nlloko na Levi nave waavelleelle wa Aroni wi emukavihereke.

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Ezekiele 34:18

Ethiyo nyuwaano khamunakwakhwanihiwa ni ocha va nipuro naphaama? Vano kaambiiwa tini munanyingallelleenyu nnddo muhinacheenyu? Ethiyo nyuwaano khamunakwakhwanihiwa ni owirya maaddi aphaama? Vano kaambiiwa tini mununttuwanyereenyu maaddi ayo muhinaawiryeenyu.

2 Epilli 35:3

Vatulli viwa aallota ni Alevi ayo yaahuddiha Aisraele attheene nave yaari oopatuleya wa Apwiya wi, “Muhiye nibokosi naweella mu enyumba eyo Solomoni mwaana a Davide mwene a o Israele amakilleeye. Vano khemunireyakattho va mathuri vanyu. Arumeyelleni Apwiya Mullukwaanyu ni Aisraele athwiiwa.

2 Samuele 7:19

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku, mwaalonjezattho nibanja naka mi oorumeyellaanyu dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

Genesis 30:15

Leya ahaakhulla wi, “Khadduukwakhwanille okaakhilleewe mamunaka. Vano onapaalla okaakhettho murete woohura akaashenre mwanaka.” Rakele aallota wi, “Wakivaha murete woohura wa mwanawoolla, mamunakoolla aneerokona ni weyaano mahiiyu vano.”

1 Akorinto 4:3

Vano miyaano nginnana mutteko ddawi kineeruziwe ni nyuwaano apaalle va nthato na athu navettho naari nginaddeeruza meekha.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Numeri 3:9

Alevaayo waavelleelle wa Aroni ni anaaye. Waapatulesese wa alliwaayo munipuroni mwa Aisraele.

Numeri 16:8

Mose aamulleella Kora wi, “Ngiiwani vano nyuwaano Alevi.

Ezekiele 44:16

Yaayove sika enaavolloweke o nipuro naka naweella ni omwaatamella tebulwaaka wi ekirumeyelleke. Alliwa sika enaapwatheke ddeko ddaka.