Numeri 16:46 - Mawu a Mulluku

⁴⁶ Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Numeri 16:46 ပူးပေါင်းရင်းမြစ်များ

Numeri 8:19

Alevaayo kohaakusa variyari va Aisraele nave kohaavelleella wonanko emphaso wa Aroni ni anaaye wi erumeyelleke munipuroni mwa Aisraele mu musasa wamutthukumano. Yeereke mutetho woopepesella machimo a Aisraele wi mullilli ohaamorelle Aisraele ayo enaawatamelle vakhuviru ni nipuro oopatuleya.”

Levitiko 10:6

Vano Mose aamulleella Aroni ni anaaye Eleazara ni Itamara wi, “Muhinakhalla oohipesa apaalle waahulla ddoowara ddanyu wooniha ethakaraka, woova wi munaakhwe navettho wooviha wi Apwiya eneerewaashella murima athu attheene. Koma Aisraele akhwiinyu sika enawinlle ekaamba ya munllo oyo Apwiya yaashellellihalliiwana Nadabu ni Abihu

Masalimo 106:29

Sika yaallika osha murima wa Apwiya ni ddaweera ddiwa nave mullilli waamora variyari viwa.

1 Epilli 27:24

Yowabu mwaana a Zeruya ahaamba weerenga koma khaamallihalle. Ollaka wa Apwiya wahaamorella Aisraele ekaamba ya yeella nave echiwerengero kheyaalembiwe mu nibukhu na epilli dda mwene Davide.

Numeri 18:5

Nave muneerekorumeyella mu nipuro naweella ni va nikuwa wi Apwiya ehaashellettho murima Aisraele.

Numeri 11:33

Enameeyo eri muwano, ehinamirye nuumirya wene, Apwiya yahaashella murima athwaayo nave yahaamorihella mullilli wawoopiha.

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Deuteronomo 9:22

“Nyu mwahaashiha murima Apwiya Mullukwaanyu mwaariinyu o Tabera, o Masa ni o Kiburoti Hatava.

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

Numeri 25:8

Vano aamuthwara Muisraeloolle ophiyera aavollowa mu echipinda ya muwari, aahoma vamodda eelliinaayo vamirimani. Sika mullilli wawoononga Aisraele waamalla.

Habakuku 3:5

Millilli ddiri vahoollo vaye, ereta ddiri vatulli vaye.