Numeri 16:33 - Mawu a Mulluku

³³ Sika alliwa yaavitthiwa eri akumi ni ddeko ddiwa ddittheddene. Ethaya yahaavuhellella vatthi sika yahoonongeya variyari va mutthukumano muttheene.

Numeri 16:33 ပူးပေါင်းရင်းမြစ်များ

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

Ezekiele 32:30

Wenko wookhallattho enduna dda ompoto vamodda ni athu attheene a o Sidoni ayo yakitthenlle o ellapo ya ookhwa moowulliha muru owaakattho awiiphiwa naari yaari awoopiha ni amasiva. Aavitthiwa ehiphaddiwe vamodda ni awiiphiwa okhotoni. Ennawulliwawo muru vamodda ni attheene ayo yakitthenlle khalle o ellapo ya ookhwa.

Ezekiele 32:18

“We mwaana a muthu winlle wunchichi ekaamba ya athu awaata a o Iguputo. Waavelleelle vamodda ni athu a mitundu ddimodda ddamasiva o ellapo ya ookhwa.

Yesaya 14:15

Koma wookitthihelliwa o ellapo ya ookhwa, o nlliti noowallamella na vatthi va ellapo.”

Yesaya 14:9

“We mwene a o Babiloni, ellapo ya ookhwa wuutthukumellella okhozekella okumana ni weyaano waaphiyaka. Yohuuvenyihella minepa dda ookhwa dda oohoollella attheene akhalle a ellapo yavatthi nave ennaweeriha mamwene attheene akhalle ovenya va mipando ddiwa.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Masalimo 69:15

Muhaakhullelle wi maaddi oosefukella ekikuse wi enyanja yoowallamella ekimirye wi mahame ewalle owanoni wiwa ekimiryalle.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Masalimo 9:15

Athu a mitundu ddimodda aamorella mu nlliti nno yakatilliiwa weekhiiwa. Nnyallo niwa nohaanga mu nthavi nawiipittheya nno yareyilliiwa weekhiiwa.

Numeri 16:32

Ethayeeyo yahaatthama yaamirya attheenaayo ni mabanjiiwa vamodda ni athu attheene a mulloko wa Kora ni ddeko ddiwa ddittheddene.

Numeri 16:34

Aisraele ayo yaari vakhuviru yaathawa, ewiiwalle athwaayo yinllaka. Yaallota wi, “Hankoni nithawe wi naheenettho ethayeella ehinimirye.”

Numeri 26:11

Koma khe attheene a munibanjani na Kora yakhwille.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Masalimo 55:15

Okhwa waamorelle moorurumusa, evuhelliwe mu mahame eri akumi vawi ddoonanara ddiwa ddooddalla m'murimani mwiwa ni mu enyumba mwiwa.

Masalimo 141:7

Mmo ekhuni ddinamwareyelliiwa ddatthalliwa tti mmottho makhuviiwa enamwareyelliiwa o mahame.

Yesaya 38:18

A o ellapo ya ookhwa khewora wuuthokozani, ookhwa khewora wuutitimihani, ookitthella mu mahame khewora wuuroromellani.

Ezekiele 31:14

Nndda ddineereweereya wi vihikhalle muteekho naari mmodda wa mukhwipi mwa muhinje oyo onaarekame wunchichi apaalle oyo etthoka ddiwa ddinaaphiye oddullu. Vihikhallettho miteekho ddimodda ddawaakhella phaama maaddi nnddo ddinaarekame ophiyera oddullu. Vawi ddittheddenennddo omalla wiwa tti okhwa, oya vatthi va ellapo wi ddakhalle vamodda ni athu ookhwa, ayo yavollowille khalle mu mahame.’

Numeri 22:33

Bulwaawo aakoona nave aahiya musewu olendo oraru. Ahihapuwalleke ohiya musewu akoonilleeye, ddaano kiwiiphenlle vaavalle koma bulooyo kaaweeromuhiya ni okumi.”

Masalimo 55:16

Koma miyaano kinaaveka Apwiya, alliwa eneerokikavihera.