Numeri 16:14 - Mawu a Mulluku

¹⁴ Woonjerera vaavo khamunivollochihalle mu ellapo ya mukaka ni enwi nave khamunivahille voollima apaalle emata yampesa wi ekhalle wonanko yoohallanaahu. Ethiyo munapaalla onimara muyeepe? Hiyaano khaniwa wenko.”

Numeri 16:14 ပူးပေါင်းရင်းမြစ်များ

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

1 Samuele 11:2

Koma Nahashi Mwaamoni ahaalleella wi, “Kineereweera echipangano ni nyuwaano mwakaakhullella wi arive muthu a nyuwaano kimutthorokolle niittho noonnattanatta wi kaawullihe muru Aisraele attheene.”

Oweeruza 16:21

Afilistaalle yaamuphara emutthorokolla miitthwaaye nave eyaana o Gaza emmakille ni onyolo wamikoko. Wenko muttekwaaye waari woosilla vansilloni mundende.

Numeri 20:5

Nave kaambiiwa tini mwanikhumihalleenyu mu ellapo ya Iguputo muniphiyiha onipuroni noonanaranna? Wuno khonamella tirigu apaalle miteekho ddanamukuyu, ddampesa apaalle ddamakangaza navettho khewuri naari maaddi oowirya!”

Eksodo 23:11

Koma muyakha waneetthanu ni piilli oddiithuuwiheke ematannddo. Athu oohoowa sika enaacheke ddoomella dda m'matanimmo nave enama ddamuhakani ddinaacheke ddoohalla. Weereke emoddamoddave yeeyo ni emata ddampesa ni dda olivi ddene.

Eksodo 22:5

“Muthu aahiddipwatha eziweto ddaye nave ddavollowa m'matani mwa muthu mmodda, ddichamo mmiddo, mwaneena a eziwetonnddo ahokollose mmiddo waphaama wunchichi wa m'matani mwaye apaalle mpesaaye waphaama munchichi.

Eksodo 3:17

Oosimikiza wi aneerewuukhumihani o Iguputo munahoosiweenyu wuno nave aneerewuuvollochihani mu ellapo ya Akanani, Ahiti, Aamori, Aperezi, Ahivi ni Ayebusi, ellapo yooddalla ni mukaka ni enwi.’ ”

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 23:10

“Wa miyakha mitthanu ni mmodda, ollimeke mmiddo m'matani mwawo nave owuhateke.

Numeri 13:27

Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.

Numeri 14:8

Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.