Numeri 15:31 - Mawu a Mulluku

³¹ Ekaamba yawi oovevulla mawu a Apwiya nave khiiwellelle lamulo niwa, muthu yooyo emuvenyihevo nave tti oophwanella ollakiwa.”

Numeri 15:31 ပူးပေါင်းရင်းမြစ်များ

Miyambo 13:13

Oovevulla mwambo anaddoononga yeekha koma awaapella maaru malamulo aneerothuviwa.

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

Ezekiele 18:20

Muthu anaakhwe tti oyo achimwalle. Mwaana khakhwella machimo a attiitthinnya nave attiitthi khekhwella machimo a mwaniwa. Muthu oolungama aneerohata dda echilungamwaaye. Muthu oonanara aneerohata ddoonanara ddaye.”

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Masalimo 119:126

Nyu Apwiya yookwakhwana enthawi yawi mweerevo ello vawi athu aatathilla malamulwaanyu.

Levitiko 5:1

“Muthu iithaniwa o nthato namillatu, enamullupelliha wi allote dda omboni oonilleeye apaalle anadduwelleeye, olliyooyo akhoota oovelleella ombonooyo, muthu yooyo tti oophwanella ollakiwa.

2 Petro 2:21

Waaweerokhalla waphaama yaahidduwenlle ettilla ya echilungamo ohiyana ni oyidduwella nave waahiya malamulo aweella yaavahiwe wa alliwa.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Yesaya 30:12

Sika ekaambiiwa Aweella a Israele anallota wi, “Mwaavevulla mawaaka, mwaaroromella waanyingallella amodda nave mwaahameella va woottha.

Masalimo 38:4

Machimwaaka ahunnuwa okikhwaranya miyaano, ennakillemella wonanko katundu ookhwaranya masivaaka.

Levitiko 26:43

Koma yaambe oyihiya ethaya wi ehakallallelle miyakha ddawiithuuwa, ellapweeyo yaahikhalla ni athu. Vano alliwa eneerollakeya ekaamba ya machimwiiwa vawi yaakhoota nnddo kaalamulalleemi nave mirima ddiwa ddahiitana ni malangizwaaka.

Levitiko 26:15

mwaavevullaka malamulwaaka nave murimaanyu waakhootaka nnddo kinuulamulellaamini ophiyera ohiwiiwellella malamulwaaka mattheene ni otathilla echipanganwaaka,

Masalimo 107:11

Vawi yaawukila mawu a Mulluku, Yaavevulla malangizo a Amasiva Mattheene.

Eksodo 30:33

Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Numeri 9:13

Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.

Deuteronomo 17:12

Arive muthu oohimwiiwellella mullupa mukutho oyo anaarumeyella Apwiya Mullukwaanyu apaalle oohimwiiwellella aweeruza, iiphiwe. Sika muvenyihekevo yoonanara variyari vanyu.

1 Samuele 3:14

Vano kinimallupella wi mullatu wa vanibanjani vaye khomalla. Naari avelleelle mukutho ni ddoovelleella ddimodda.”